منډو ترړو به د حضرت آدم عَلَیْهِ السَّلَام مزار ته اورسي او وائي به: اے آدمه! هم ستا په وجه زه مردود شوم، کاش! چې ته نه وے پيدا شوے۔

اللہ اَکْبَر! څومره خبيث دے! په داسې حالت کښې به هم د خپلې ګناه تور په نورو باندې لګوي۔ خير! اوس به دا په منډو ترړو هغه ځائے ته راځي، چرته چې په وړومبي ځل د مردود کيدو سره زمکې ته راکوز شوے وو، دلته به زمکه د اور په شان وي، د دوزخيانو راګيرونکې فرښتې به دا راګير کړي او دا به په ازغنو زنځيرونو اوتړلے شي، بيا چې تر څو پورې الله پاک اوغواړي دا به د ځنکدن په درد او تکليف کښې اخته وي، بيا به حضرت آدم او حوا عَلَیْهِما السَّلَام راپاڅولے شي او ورته به اووئيلے شي: اے آدمه! اے حوا! دا دے ستاسو دښمن۔۔۔!! اوګورئ څنګه په عذاب کښې راګير دے، کله چې هغوئي دا بدبخته مردود د ځنکدن په حالت کښې په درد او تکلف لت پت اوګوري نو وائي به: رَبَّنَا قَدْ اَتْمَمْتَ عَلَیْنَا النِّعْمَۃَ اے زمونږه رَبَّ! (زمونږه دښمن له د داسې سزا ورکولو سره) تا په مونږ باندې خپل نعمت تمام کړو۔ آخر به شيطان مردود په تکليف کښې مړ کړے شي۔ ^([1])

خوږو او محترمو اسلامي وروڼو! غور اوکړئ! شيطان مردود به څنګه مړ کولے شي، په څومره وحشت ناکه سزاګانو کښې به اخته وي، دا خو صرف د ځنکدن د حالت بيان دے، د قيامت په ورځ چې به دې مردود له کومه سزا ورکولے شي، هغه څوک بيانولے شي۔۔۔؟؟ تاسو ته پته ده دې مردود له به دا سزا ولې ورکولے شي؟ د ده به دومره وحشت ناکه انجام ولې وي؟ ځکه چې دې بد بخته د الله پاک د نبي حضرت آدم عَلَیْهِ السَّلَام ګستاخي