فرښتې هغه وَنې ته په غور سره کتل۔ خوږ آقا، مکي مدني مصطفٰے صَلَّى اللهُ عَلَيْهِ وَاٰلِهٖ وَسَلَّم حضرت جبرائيل امين عَلَیْهِ السَّلَام ته اوفرمائيل: دا فرښته څوک ده؟ يا رسولَ الله صَلَّى اللهُ عَلَيْهِ وَاٰلِهٖ وَسَلَّم! دا فرښته د خوندونو ختموونکې، د دوستانو جدا کوونکې، د ښځو کونډوونکې او د بچو يتيمانو جوړوونکې، د اوچتو محلونو ورانوونکې او د هديرې آبادونکې ده يعنې ملک الموت حضرت عزرائيل عَلَیْهِ السَّلَام دے۔

بيا حضرت جبرائيل امين عَلَیْهِ السَّلَام حضرت ملک الموت عَلَیْهِ السَّلَام ته اووئيل: اے عزرائيله (عَلَیْهِ السَّلَام)! دا وړاندې وروستو سردار، محبوبِ رَبِّ غفار حضرت مُحَمَّدِ مصطفٰے صَلَّى اللهُ عَلَيْهِ وَاٰلِهٖ وَسَلَّم دے۔ دا ئې چې واوريدل نو حضرت ملک الموت عَلَیْهِ السَّلَام راپاڅيدو، د رسولِ اکرم، نورِ مُجَسَّم صَلَّى اللهُ عَلَيْهِ وَاٰلِهٖ وَسَلَّم سره ئې سلام اوکړو، د هغوئي صَلَّى اللهُ عَلَيْهِ وَاٰلِهٖ وَسَلَّم سره ئې د غاړې ميلاوهلو سعادت حاصل کړو او په محبت کښې ئې د هغوئي صَلَّى اللهُ عَلَيْهِ وَاٰلِهٖ وَسَلَّم تندے ښکل کړو او د هغوئي سره ئې په خوا کښې د کښيناستو خواست اوکړو۔ بيا ئې عرض اوکړو: يا رسولَ الله صَلَّى اللهُ عَلَيْهِ وَاٰلِهٖ وَسَلَّم! څه اراده لرئ (يعنې زما د پاره څه حکم دے؟) خوږ نبي، رسولِ هاشمي صَلَّى اللهُ عَلَيْهِ وَاٰلِهٖ وَسَلَّم اوفرمائيل: دا کومه تختئ چې ستاسو مخې ته پرته ده، دا څه څيز دے؟ عرض ئې اوکړو: الله پاک د ټول مخلوق رُوحونه زما په قبضه کښې کړي دي، په دې تختئ باندې د هغې تفصيل ليکلے دے، د دې په ذريعه باندې زه د هغوئي حساب ساتم۔

خوږ آقا، محبوبِ خُدا صَلَّى اللهُ عَلَيْهِ وَاٰلِهٖ وَسَلَّم پوښتنه اوکړه: دا دومره غټه ونه څه څيز دے؟ عرض ئې اوکړو: د دې وَنې پاڼې د مخلوق د شميرې برابر دي، هيڅ يو انسان داسې نشته د کوم د نوم پاڼه چې په دې ونه کښې نه وي، کله چې څوک بيماريږي نو د هغه د نوم پاڼه