کی جانب برابر آگے کُوچ جاری ہے ، تصور کیجئے کہ ہم گویا بڑی احتیاط سے ایمان کو بحفاظت سینے سے چمٹائے ہوئے ہیں ، ایک طرف نفسِ اَمّارہ ایمان پر جھپٹ رہا ہے ، دوسری طرف شیطان چالیں بدل بدل کر وار کر رہا ہے ، تیسری طرف بدمذہب ایمان پر ڈاکے ڈالنے میں مصروف ہیں تو چوتھی طرف سے دُنیا کی بےجا محبت ایمان کے در پے ہے ! یعنی یُوں سمجھئے کہ کوئی ہاتھ مروڑ رہا ہے ، کوئی ٹانگ کھینچ رہا ہے ، کوئی مُکّے رسید کر رہا ہے ، کوئی لاتیں اُچھال رہا ہے ، ہر ایک پُورا زَور لگا رہا ہے کہ کسی طرح ہم سے ایمان چھین لے ، آہ ! اس حالت میں ایمان کی دولت کو سلامت لے کر قبر میں کیسے داخِل ہوں گے... ! ! ^{( [1] )}

راہ پُر خار ہے ، کیا ہونا ہے ؟                                                                        پاؤں افگار ہے ، کیا ہونا ہے ؟

دُور جانا ہے رہا دِن تھوڑا                                                                                           راہ دُشوار ہے کیا ہونا ہے ؟

ہائے رے نیند مُسَافِر تیری                                                                              کُوچ تیار ہے ، کیا ہونا ہے ؟

ارے اَو مجرمِ بےپروا دیکھ                                                                             سَر پہ تلوار ہے کیا ہونا ہے ؟  ^{( [2] )}

وضاحت : آہ ! آخرت کا وہ خطرناک سَفَر ، نزع کی تکلیفیں ، قبر کی سختیاں ، میدانِ محشر کی ہولناکیاں ، پُل صِراط کی دہشت... ! ! آہ بڑا کانٹوں بھرا راستہ ہے اور  ہم گنہگار... ! ! آہ کیا بنے گا ؟ سَفَر لمبا ہے ، وقت تھوڑا رہ گیا ہے ، راستہ بہت مشکل ہے ، آہ ! اے غافِل انسان... ! ! تیری غفلت ! موت بَس آنے ہی کو ہے اور تُو غفلت میں ہے۔ ارے اَوْ بےپروا ، اَوْ مُجْرِم ! دیکھ تو موت کی تلوار ہر وقت سَر پر لٹک رہی ہے... ! ! کیا بنے گا ؟

اللہ رَبُّ العالمین اپنے محبوبِ کریم صَلَّی اللہ عَلَیْہِ وَ آلِہٖ وَ سَلَّم کا صَدقہ ہم پر نزع کی کیفیات