(يعنې مکه مکرمه) نه ده؟ ټولو عرض اوکړو: ولې نه (بالکل دا مکه مکرمه ده). رسولِ اکرم، نورِ مُجَسَّم صَلَّى اللهُ عَلَيْهِ وَاٰلِهٖ وَسَلَّم دريمه پوښتنه اوکړه: اَیُّ یَوْمٍ ہٰذَا؟ دا کومه ورځ ده؟ صحابۀ کرامو عَليهمُ الرّضوَان په دې ځل هم عرض اوکړو: اللہ وَرَسُوْلُہٗ اَعْلَمُ الله پاک او د هغه رسول ښه پوهيږي. رسولِ خُدا، احمدِ مجتبیٰ صَلَّى اللهُ عَلَيْهِ وَاٰلِهٖ وَسَلَّم اوفرمائيل: اَلَیْسَ یَوْمَ النَّحْرِ؟ آيا دا يَومُ النَحر نه ده؟ ټولو عرض اوکړو: ولې نه، (دا يومُ النحر يعنې د قربانئ ورځ ده).

بيا رسولِ اکرم، نورِ مُجَسَّم صَلَّى اللهُ عَلَيْهِ وَاٰلِهٖ وَسَلَّم اوفرمائيل: بے شکه لکه څنګه چې د دې ورځې، د دې ښار او د دې مياشتې حُرمت دے، ستاسو وينه، ستاسو مال او ستاسو عزتونه هم داسې په يو بَل باندې حرام دي. ^([1])

الله! الله! خوږو او محترمو اسلامي وروڼو! د خوږ نبي، مکي مدني، مُحَمَّدِ عربي صَلَّى اللهُ عَلَيْهِ وَاٰلِهٖ وَسَلَّم د دې مبارکې خطبے نه اندازه اولګوئ چې د يو مسلمان د ځان، د هغه د مال او د هغه د عزت او آبَرُو څومره اهميت دے. علمائے کرام فرمائي: رسولِ رحمت، شفيعِ اُمَّت صَلَّى اللهُ عَلَيْهِ وَاٰلِهٖ وَسَلَّم په دې ځائے کښې د مسلمان ځان او مال او عزت ته د مکے مکرمې د حُرمت په شان اوفرمائيل، مطلب دا دے چې څنګه په مکه مکرمه کښې، د حج په تاريخونو کښې، د احرام په حالت کښې يوه ګناه د ډيرو ګناهونو مجموعه ده چې په دې کښې د الله پاک نافرماني هم ده، د مکے مکرمې، د حج د ورځو، د احرام او د حرمت والا مياشتو بے ادبي هم ده، دغسې د يو مسلمان عزت ته نقصان رَسَول، چا ته ناحقه تکليف رَسَوَل، د چا مال ناحقه قبضه کول هُم د ډيرو جرمونو مجموعه ده، يو خو په دې کښې د مسلمان حق وهل دي، د هغه زړه آزارول هم دي، بيا په دې کښې د الله