Hajj e Wida Ke Iman Afroz Waqiaat

کا بھی بیان ہے کہ ہمارے آقا ، مدینے والے مصطفےٰ صَلَّی اللہ عَلَیْہِ وَ آلِہٖ وَ سَلَّم نے حاجیوں کی بخشش کی دُعا فرمائی اور آپ کی یہ دُعا قبول بھی کر لی گئی۔ الحمد للہ ! حج کے اَیَّام جاری ہیں ، کتنے خوش نصیب ہیں وہ لوگ جو اس وقت مکہ شریف میں حاضِر ہیں ، جنہوں نے حج کی سَعَادت حاصِل کی ، کاش ! آیندہ سال ہمیں بھی سَعَادت نصیب ہو ، ہم بھی مکہ مکرَّمہ جائیں ، کعبہ شریف کا طواف کریں ، عرفات و مزدلفہ کا قیام نصیب ہو ، مِنیٰ شریف میں قربانی کرنے کی توفیق ملے ، کاش ! کاش ! ہر سال مدینے کی حاضِری نصیب ہوتی رہے۔

یاربّ ! ہمیں مکّے کی فَضاؤں میں بُلالے اور خانۂ کعبہ کا کریں جم کے نظارا

ہو جائے مِری حاضِری عرفات و مِنٰی میں اور مُزْدَلِفَہ کا بھی کروں خوب نظارا^{( ^[1] )}

نبیوں کی یاد دِلانے والے اَیّام

اے عاشقانِ رسول ! الحمدللہ ! ابھی جو دِن گزر رہے ہیں ، یہ بہت بابرکت دِن ہیں ، ان اَیَّام کی باقی برکتیں اپنی جگہ اَہَم ہیں ، ایک بہت اَہَم بات ان دِنوں کی یہ ہے کہ یہ دِن انبیائے کرام علیہمُ السَّلام کی یاد دِلانے والے دِن ہیں۔ یہ دِن ہمیں * اللہ پاک کے خلیل حضرت ابراہیم عَلَیْہِ السَّلام کی یاد دِلاتے ہیں * حضرت اسماعیل عَلَیْہِ السَّلام کی یاد دِلاتے ہیں * ان کی پیاری اَمِّی جان حضرت ہاجرہ رحمۃُ اللہ علیہا کی یاد دِلاتے ہیں * ان پاک ہستیوں نے کس طرح اللہ پاک کی فرمانبرداری کی * اللہ پاک کی رضا کی خاطِر کیسی کیسی قربانیاں پیش کیں * کیسی کیسی مشقتیں اُٹھائیں مگر اللہ پاک کی اِطاعت ، اس کی فرمانبرداری سے ذَرَّہ برابر بھی کوتاہی نہیں کی ، یہ مبارک دِن ہمیں ان قربانیوں کی یاد دِلاتے ہیں۔

[1]... وسائل بخشش ، صفحہ : 170۔

Important

Mobile Apps

Contact Us