Hajj e Wida Ke Iman Afroz Waqiaat

Al Quran Books Madani Channel

Magazine Courses Media

خالِق و مالک یعنی اللہ پاک کو آنکھوں سے دیکھا ہو ، بھلا اُن کی مبارک نِگاہوں سے یہ چھوٹی سی دُنیا پوشِیدہ رہ سکتی ہے ؟ ہر گز نہیں رہ سکتی۔

خطبہ حَجَّۃُ الْوِدَاع سے ایک نصیحت

پیارے اسلامی بھائیو ! حَجَّۃ الْوَداع کے موقع پر پیارے آقا ، مکی مدنی مصطفےٰ صَلَّی اللہ عَلَیْہِ وَ آلِہٖ وَ سَلَّم نے 3 الوداعی خطبے بھی ارشاد فرمائے۔ ایک خطبہ میدانِ عرفات میں اور دو مِنیٰ شریف میں دِیئے۔ ان خطبات میں آپ صلی اللہ عَلَیْہِ وَ آلِہٖ وَسَلَّم نے اسلامی تعلیمات کا خلاصہ بیان فرمایا اور صحابۂ کرام علیہمُ الرِّضْوان کے واسطے سے پوری اُمّت کو نصیحتیں ارشاد فرمائیں۔ بہت اِیْمان افروز خطبات ہیں۔ آئیے ! اِن خطبات میں سے پیارے آقا ، رسولِ خُدا صَلَّی اللہ عَلَیْہِ وَ آلِہٖ وَ سَلَّم کی صِرْف ایک نصیحت سُنتے ہیں :

مسلمان کی عزت کیجئے... !

حَجَّۃُ الوَدَاع کا موقع تھا ، اللہ پاک کے آخری نبی ، رسولِ ہاشمی صلی اللہ عَلَیْہِ وَ آلِہٖ وَسَلَّم نے مِنیٰ شریف میں خطبہ ارشاد فرمایا ، اس خطبے میں آپ صلی اللہ عَلَیْہِ وَ آلِہٖ وَسَلَّم نے صحابۂ کرام علیہمُ الرِّضْوان کو مخاطَب کر کے فرمایا : اَیُّ شَہْرٍ ہٰذَا ؟ یہ کون سا مہینا ہے ؟ ( بالکل واضح سی بات تھی ، حج کا موقع ہے اور حج ذُوالحجۃ الحرام ہی میں ادا کیا جاتا ہے لیکن صحابۂ کرام علیہمُ الرِّضْوان کا ادب دیکھئے ! ) صحابۂ کرام علیہمُ الرِّضْوان کو گمان ہوا کہ شاید حُضُور صلی اللہ عَلَیْہِ وَ آلِہٖ وَسَلَّم اس مہینے کا نام تبدیل فرمانے والے ہیں ، لہٰذا عرض کیا : اللہ وَرَسُوْلُہٗ اَعْلَم اللہ اور اس کا رسول صلی اللہ عَلَیْہِ وَ آلِہٖ وَسَلَّم بہتر جانتے ہیں۔ پیارے آقا ، مکی مدنی مصطفےٰ صلی اللہ عَلَیْہِ وَ آلِہٖ وَسَلَّم نے فرمایا : اَلَیْسَ ذُوالْحِجَّۃِ ؟ کیا یہ ذُوالحج کا مہینا نہیں ؟ صحابۂ کرام علیہمُ الرِّضْوان نے عرض کیا : کیوں نہیں ( یعنی جی ہاں ! ذُوالحج کا ہی مہینا ہے ) ۔

Important

Mobile Apps

Contact Us