ایک مقام سے گزرے ، میں بھی ساتھ تھی ، سرکارِ عالی وقار ، مکی مدنی تاجدار صَلَّی اللہ عَلَیْہِ وَ آلِہٖ وَ سَلَّم اس وَقْت شدید غم کی کیفیت میں تھے اور اشک بہا رہے تھے ، آپ صَلَّی اللہ عَلَیْہِ وَ آلِہٖ وَ سَلَّم کو روتے دیکھ کر میں بھی رونے لگی ، پھر آپ صَلَّی اللہ عَلَیْہِ وَ آلِہٖ وَ سَلَّم سُواری سے اُتر کر ایک سَمت کو تشریف لے گئے اور مجھے فرمایا : حمیرا ! یہیں ٹھہرو۔ میں اُونٹ  ( Camel )  کے ساتھ ٹیک لگا کر بیٹھ گئی ، حُضُورِ اقدس صَلَّی اللہ عَلَیْہِ وَ آلِہٖ وَ سَلَّم کافی دیر کے بعد خوش خوش مسکراتے ہوئے تشریف لائے۔ میں نے عَرْض کیا : یارسولَ اللہ صَلَّی اللہ عَلَیْہِ وَ آلِہٖ وَ سَلَّم ! میرے ماں باپ آپ پر قربان... ! !  جاتے وقت آپ بہت غمگین ( Sad )  تھے ، واپس خوش خوش تشریف لائے ، اس کا کیا سبب  ( Reason ) ہے ؟ فرمایا : میں اپنی والِدہ  ( حضرت آمنہ  رَضِیَ اللہ عنہا )  کے مَزار پر گیا تھا ، میں نے دُعا کی تو اللہ پاک نے میری والِدہ کو زِندہ کیا ، وہ مجھ پر ایمان لائیں پھر مَزار میں تشریف لے گئیں۔ ^{( [1] )}  

حضرت عُرْوہ  رَضِیَ اللہ عنہا پنے والد  سے روایت کرتے ہیں کہ اُمُّ الْمُؤمِنِیْن حضرت عائشہ صدیقہ  رَضِیَ اللہ عنہا نے بتایا : بے شک رسولِ اَکْرم ، نورِ مجسم صَلَّی اللہ عَلَیْہِ وَ آلِہٖ وَ سَلَّم  کی دُعا سے اللہ پاک نے حضرت عَبْدُالله و حضرت آمنہ  رَضِیَ اللہ عنہما کو زِندہ فرمایا ، ان دونوں نے ایمان قبول کیا پھر اپنے اپنے مزارات میں آرام فرما ہوئے۔ ^{( [2] )}  

صدقہ تم پہ ہوں دِل و جاں آمنہ                                                          تم نے بخشا ہم کو اِیْماں آمنہ

جو مِلا جس کو مِلا تم سے مِلا                                                                                                     دِین و ایماں ، عِلْم و عرفاں آمنہ

کُل جہاں کی مائیں ہوں تم پر فِدا                                                               تم مُحَمَّد کی بنی ماں آمنہ