Hajj e Wida Ke Iman Afroz Waqiaat

Al Quran Books Madani Channel

Magazine Courses Media

اللہ ! اللہ ! جب کَعْبَۂ اِیْمان ، مکی مدنی سلطان صَلَّی اللہ عَلَیْہِ وَ آلِہٖ وَ سَلَّم کی مُبَارک نگاہیں کعبہ شریف کی طرف اُٹھی ہوں گی ، کیا پُر کیف منظر ہو گا ، وہ کعبہ جو رَحْمتِ دوجہان صَلَّی اللہ عَلَیْہِ وَ آلِہٖ وَ سَلَّم کی وِلادت کے وقت سلامی کو جھکا تھا ، وہ کعبہ جس کو پیارے نبی ، رسولِ ہاشمی صَلَّی اللہ عَلَیْہِ وَ آلِہٖ وَ سَلَّم نے باطِل کی گندگی سے پاک صاف فرمایا تھا بلکہ حق تو یہ ہے کہ کعبہ بھی جن کے صدقے میں کعبہ بنا ، آج جب کعبہ شریف کو اُنہی رحمتِ دوجہاں ، مکی مدنی سلطان صَلَّی اللہ عَلَیْہِ وَ آلِہٖ وَ سَلَّم کا قُرب نصیب ہوا ہو گا ، یقیناً کعبے کو بھی وَجْد آگیا ہو گا ، آج کعبہ بھی اپنی قسمت پر ناز کر رہا ہو گا۔

اس دِل کے فِدا جو تری دِید کا طالِب ان آنکھوں کے قربان جنہیں تُو نظر آیا

سجدہ کو جُھکا جائے براہیم میں کعبہ جب قبلۂ کونَیْن کا اَبْرُو نظر آیا

خیر ! پیارے آقا ، احمدِ مجتبیٰ صَلَّی اللہ عَلَیْہِ وَ آلِہٖ وَ سَلَّم نے کعبہ شریف کو دیکھ کر یہ دُعا پڑھی :

اَللّٰهُمَّ زِدْ هٰذَا الْبَیْتَ تَشْرِیْفًا وَّ تَعْظِیْمًا وَّ مَہَابَۃً وَّ بَرًّا

( ترجمہ : اے اللہ پاک ! اس گھر کے شرف ، تعظیم ، رُعب اور بھلائی میں اضافہ فرما )

پِھر آپ صَلَّی اللہ عَلَیْہِ وَ آلِہٖ وَ سَلَّم نے پہلے عمرہ ادا فرمایا ، پِھر حج کے اَیَّام میں حج ادا فرمایا۔^{( ^[1]
)} روایات کے مطابق جن خوش نصیب صحابۂ کرام علیہمُ الرِّضْوان نے اس سال حج کی سَعَادت پائی ، ان کی تعداد کم و بیش ایک لاکھ 24 ہزار یا اس سے بھی زیادہ تھی۔^{( ^[2]
)}

صَلُّوْا عَلَی الْحَبِیْب ! صَلَّی اللہ عَلٰی مُحَمَّد

[1]...شرح الزرقانی ، المقصد التاسع ، النوع السادس فی ذکر حجہ ...الخ ، جلد : 11 ، صفحہ : 327تا 378 خلاصۃً۔

[2]...شرح الزرقانی ، کتاب المغازی ، حجۃ الوداع ، جلد : 4 ، صفحہ : 146۔

Important

Mobile Apps

Contact Us