قسمت چمکے ، جاگتے میں نہیں تو  کم از کم خواب میں ہی کبھی دِیدارِ مصطفےٰ نصیب ہو جائے۔

یارَبِّ ! پِھر اَوج پر ہمارا نصیب ہو                                                 سُوئے مدینہ پِھر ہمیں جانا نصیب ہو

مکّہ بھی ہو نصیب ، مدینہ نصیب ہو                                                      دشتِ عرب نصیب ہو ، صحرا نصیب ہو

اللہ ! دِیدِ گنبدِ خضرا نصیب ہو                                                                                     یارَبّ ! رسولِ پاک کا جلوہ نصیب ہو ^{( [1] )}

پیارے اسلامی بھائیو ! 10 ہجری ، ذِیقعدۃ الحرام کی 25 تاریخ ، ہفتے کا دِن  ( Saturday )  تھا ، سرکارِ عالی وقار ، مکی مدنی تاجدار صَلَّی اللہ عَلَیْہِ وَ آلِہٖ وَ سَلَّم نے ظُہر کی نماز مسجدِ نبوی شریف میں ادا کی ،  سَفَر پر روانگی کے لئے تازہ غسل فرمایا ، سفَر کی تیاری ہوئی اور اس شان سے حج کی ادائیگی کے لئے روانہ ہوئے کہ حضرت جابِر رَضِیَ اللہ عنہ فرماتے ہیں : آگے ، پیچھے ، دائیں ، بائیں ، جس طرف بھی نگاہ اُٹھتی تھی ، لوگ ہی لوگ نظر آ رہے تھے۔

مدینۂ پاک سے کچھ ہی فاصلہ پر ذُو الْحُلَیْفَہ نامی ایک مقام آتا ہے ، یہ اَہْلِ مدینہ کا مِیْقات ہے  ( یعنی حج یا عمرے کا ارادہ رکھنے والے یہاں سے اِحْرام باندھتے ہیں ) ۔ یہاں پہنچ کر قافلے کو رُک جانے کا حکم ہوا ، چونکہ سَفَر شروع ہو چکا تھا ، لہٰذا نمازِ عَصْر قصر کر کے  ( یعنی دو رکعت )  ادا کی گئی ، یہ رات رسولِ رحمت ، شفیعِ اُمَّت صَلَّی اللہ عَلَیْہِ وَ آلِہٖ وَ سَلَّم نے یہیں گزاری ، اگلے دِن ظہر سے پہلے آپ صَلَّی اللہ عَلَیْہِ وَ آلِہٖ وَ سَلَّم نے تازہ غسل کر کے اِحْرام باندھا ،   نمازِ ظُہر یہیں ادا فرمائی اور اپنی مبارک اُونٹنی قَصْواء پر سُوار ہوئے۔ روایات کے مطابق آپ صَلَّی اللہ عَلَیْہِ وَ آلِہٖ وَ سَلَّم نے اِحْرام باندھنے کے بعد دو رکعت نماز ادا فرمائی ، اس کے بعد تلبیہ  ( یعنی لَبَّیْک اَللّٰہُمَّ لَبَّیْک )  پڑھا ، پھر جب اُونٹنی پر سُوار ہوئے تو دوبارہ تلبیہ پڑھا ، پھر آپ صَلَّی اللہ عَلَیْہِ وَ آلِہٖ وَ سَلَّم