Kaba Shareef Ki Khasosiyat

Al Quran Books Madani Channel

Magazine Courses Media

شریف کے ساتھ ہی مَطَاف ہے ، یہ وہ مقام ہے جہاں کعبہ شریف کا طواف کیا جاتا ہے ، اس جگہ 400 انبیائے کرا ، علیہمُ السَّلام کے مزارات ہیں * کعبہ شریف کے ساتھ ہی حطیمِ پاک میں سنگِ اسماعیل یعنی حضرت اسماعیل علیہ السَّلام اور ان کی والدہ حضرت ہاجرہ رَحمۃُ اللہ علیہا کے مزارات ہیں ، * اسی کعبہ شریف کے قریب صَفَا اور مَرْوَہ 2 پہاڑیاں ہیں ، * اسی کعبہ شریف کے پاس اللہ پاک کے آخری نبی ، مکی مدنی صَلَّی اللہ عَلَیْہِ وَ آلِہٖ وَ سَلَّم کی وِلادت گاہ ہے ، * اسی کعبہ شریف کے قریب مِنیٰ ، مُزْدَلفہ اور عرفات جیسے مُبَارَک مقامات ہیں * یہ کعبہ شریف ہی ہے کہ اس کی عزت کے پیشِ نظر پرندے اس کے اُوپر نہیں اُڑتے ، * یہی وہ کعبہ شریف ہے کہ جب کوئی پرندہ بیمار ہو تو اس کی فِضَا سے گزر کر شِفَا پاتا ہے ، * اسی کعبہ شریف کی حِفَاظت کے لئے ابابیل سے فِیْل ( یعنی ہاتھی ) مروائے گئے ، * اسی کعبہ شریف کی طرف لوگوں کے دِل قدرتی طور پرمائِل ہیں ، * اسی کعبہ شریف کی بَرَکت ہے کہ مکہ مکرمہ میں پیداوار کوئی نہیں مگر یہاں قحط نہیں پڑتا ، لوگ بھوکے نہیں مرتے ، * اسی کعبہ شریف کی بَرَکت ہے کہ ہر سال لاکھوں لاکھ لوگ حج کے لئے یہاں پہنچ جاتے ہیں ، اس کے باوُجُود نہ وہاں کھانے کی کمی ہوتی ہے ، نہ وہاں پانی کم پڑتا ہے۔ اس کے عِلاوہ قُدْرت کی اَوْر بہت نشانیاں ہیں جو کعبہ شریف میں ، مَسْجِدِ حرام میں اور مکہ مکرمہ میں مَوْجُود ہیں۔^{( ^[1] )}

( 5 ) : کعبہ شریف مقامِ اَمن ہے

اے عاشقانِ رسول ! کعبہ شریف کی پانچویں خصوصیت یہ ہے کہ

وَ مَنْ دَخَلَهٗ كَانَ اٰمِنًاؕ ( پارہ : 4 ، سورۂ آلِ عمران : 97 )

ترجمہ کنزُ العِرفان : جو اس میں داخل ہو گیا امن والا ہو گیا ۔

[1]...تفسیر نعیمی ، پارہ : 4 ، سورۂ آل عمران ، زیرِ آیت : 97 ، جلد : 4 ، صفحہ : 37 ۔

Important

Mobile Apps

Contact Us