څومره ښکلے ارمان دے چې کاش! الله پاک مونږ په مخکښينو نيکانو خلقو کښې شامل کړي. د الله پاک د دې نوو مسلمانانو شوو صحابۀ کرامو عَليهمُ الرّضوَان دا جواب، د هغوئي دا ښکلې ښکلې جملې او د هغوئي دا ښکلے ارمان دومره خوښ شو چې رَبِّ کائنات عَزَّ و جَلَّ دا په قرآنِ کريم کښې ذِکر اوفرمائيلو او د هغوئي دا ارمان ئې قبول کړو او اوئې فرمائيل:

فَاَثَابَہُمُ اللہُ بِمَا قَالُوۡا جَنّٰتٍ تَجۡرِیۡ مِنۡ تَحۡتِہَا الۡاَنۡہٰرُ خٰلِدِیۡنَ فِیۡہَا ؕ       وَ ذٰلِکَ  جَزَآءُ   الۡمُحۡسِنِیۡنَ (۸۵)    

(پارہ:7، سورۂ مائدہ:85)

[مَفهُوم] ترجمهٴ کنزُالعِرفان : نو الله د هغوئي د دې وينا په بدله کښې هغوئي ته هٰغه باغونه عطا کړل چې د هغو نه لاندې نهرونه بهيږي، هميشه به په هغې کښې اوسيږي، او دا د نيکو خلقو بدله ده.

د قرآنِ کريم مشهور مفسر، حکيم الاُمّت مفتي احمد يار خان نعيمي رَحْمَةُ اللهِ عَلَيْه د دې آيت لاندې فرمائي: د دې آيت نه معلومه شوه چې د ښو خلقو ملګرتيا او په نيکانو په ډله کښې داخليدل د الله پاک لوئے نعمت دے، نوره دا هم معلومه شوه چې الله پاک نکته نواز دے، که اوغواړي نو د يو ښه لفظ په برکت د بنده ټول ګناهونه معاف کړي او دوزخي جنتي جوړ کړي، اوګورئ! دې نوو مسلمانانو شوو صحابۀ کرامو عَليهمُ الرّضوَان (خپل ارمان ظاهر کړو او) صرف دومره ئې اووئيل:

وَ نَطۡمَعُ اَنۡ  یُّدۡخِلَنَا رَبُّنَا مَعَ  الۡقَوۡمِ الصّٰلِحِیۡنَ (۸۴)  (پارہ:7، سورۂ مائدہ:84)

[مَفهُوم] ترجمهٴ کنزُالعِرفان : او مونږ طمع لرو چې زمونږه رب به مونږه د نيکو خلقو سره جَنَّت ته داخل کړي.