Book Name:Sahaba Ki Aik Khobsorat Tamanna
د نيکانو خلقو د مشابهت فضيلتونه
د الله پاک آخري نبي، رسولِ هاشمي صَلَّى اللهُ عَلَيْهِ وَاٰلِهٖ وَسَلَّم فرمائيلي دي: مَنْ تَشَبَّهَ بِقَوْمٍ فَهُوَ مِنْهُمْ څوک چې د کوم قوم سره مشابهت لري، هغه هم په هغوئي کښې شميرلے شي. ([1])
په يو حديثِ پاک کښې دي: مَنْ اَعْجَبَهُ سَمْتُ رَجُلٍ فَهُوَ مِثْلُهُ چا ته چې د چا طريقه ښه ښکاري، هغه هُم د هغه په مثال دے. ([2])
اَللہُ اَکْبَر! خوږو او محترمو اسلامي وروڼو! په دې حديثونو باندې بيا بيا غور اوکړئ! چا ته چې د چا طريقه ښه ښکاري، هغه د هغه په مثال دے. آه! هٰغه نادانه خلق کومو ته چې د فلمي اداکارانو سټائل ښه ښکاري، کومو ته چې د غير مسلمو انداز ښه ښکاري، کوم چې په ناسته، ولاړه کښې، ګرځيدو کښې، خوراک څښاک او اغوستلو وغيره کښې د غير مسلمو د فيشن لحاظ ساتي، آه! افسوس! د حديثِ پاک مطابق هغه د هغوئي په شان دي.
بل خوا څومره خوش قسمته دي هٰغه خلق د کومو چې د خوږ آقا، مکي مدني مصطفٰے صَلَّى اللهُ عَلَيْهِ وَاٰلِهٖ وَسَلَّم د سُنتو سره محبت دے، چا ته چې د صحابۀ کرامو عَليهمُ الرّضوَان اداګانې ښې ښکاري، څوک چې د غوثِ پاک، داتا حُضُور، خواجه حُضُور، اعلیٰ حضرت رَحْمَةُ اللهِ عَلَيْهم اداګانې خوښوي، هٰغه خوش قسمته کوم چې د خپلو بزرګانو، د الله پاک د نيکانو بندګانو سيرت لولي يا اوري نو د هغوئي په شان کيدو او د هغوئي د اداګانو خپلولو خواهش لري، د داسې خوش قسمتو څومره ښکلے شان دے چې رسولِ اکرم، نورِ مُجَسَّم صَلَّى اللهُ عَلَيْهِ وَاٰلِهٖ وَسَلَّم فرمائي: چا ته چې د چا طريقه ښه ښکاري، هغه د هغه په شان دے.