Book Name:Sahaba Ki Aik Khobsorat Tamanna
ګاونډيان په خپل مينځ کښې په مينه محبت نه اوسيږي، د عزيزانو خپلوانو سره مړے ژوندے پريږدي، جنګ جګړې په معاشره کښې زياتيږي او د دې جګړو بنياد څه دے؟ ذاتي بغض، کينه، حسد، د دنيا مال او دولت...!! کاش چې مونږه د خپل نفس دپاره جګړې کول پريږدو، چې زمونږ د ژوند معيار صرف او صرف د الله پاک رضا حاصلول جوړ شي نو اِنْ شَآءَ اللہُ الْکَرِیم! معاشره به د امن او سکون نه ډکه شي.
يو ځل مکي مدني سلطان صَلَّى اللهُ عَلَيْهِ وَاٰلِهٖ وَسَلَّم د خپل خوږ صحابي حضرت ابوذر غفاري رَضِىَ اللهُ عَـنْهُ نه پوښتنه اوکړه: یَا اَبَاذَرٍّ اَیُّ عُرَ ي الْاِیْمَانِ اَوْثَقُ؟ اے ابوذره! د ايمان د ټولو نه مضبوطه رسئ څه ده؟ عرض ئې اوکړو: اَللہُ وَرَسُولُہٗ اَعْلَم الله او د هغه رسول بهتر پوهيږي. اوئې فرمائيل: د الله پاک د رضا د پاره محبت او هم د الله پاک د رضا د پاره دښمني کول. ([1])
کاش! چې زمونږه هر تعلق خالص د الله پاک د رضا د پاره شي...!! ګنې حالات نازک دي. حضرت احمد بن حسن جريري رَحْمَةُ اللهِ عَلَيْه فرمائي: په مخکښنئ زمانه کښې د خلقو په خپل مينځ کښې د معاملاتو تعلق په دين باندې وو، تر دې چې دين کمزورے شو (يعنې په زړونو کښې د دين اهميت په کميدو شو)، په دويمه زمانه کښې خلقو د وفا په ذريعه معاملې چلولې، تر دې چې وفا ختمه شوه، په دريمه زمانه کښې خلقو د مُرَوَّت [د بل د مخ په خاطر ساتلو] سره معاملات کول، تر دې چې مُرَوَّت هم ختم شو او اوس د