دردناک سزا کہ انہیں دُنیا ، قبر ، قیامت ہر جگہ ذلیل و رُسْوا کر دیا جائے گا۔ اللہ پاک ہمیں اِیْمان کی سلامتی نصیب فرمائے ، کفر سے ، نِفَاق سے اور ہر طرح کے گُنَاہوں سے بچتے رہنے کی توفیق نصیب فرمائے۔ اٰمِیْن بِجَاہِ خَاتَمِ النَّبِیّٖن  صلّی اللہ ُ عَلَیْہِ وَ آلِہٖ وَسَلَّم ۔

ہر دَم ابلیس پیچھے لگا ہے                                                                                        حِفْظِ اِیْمان کی التجا ہے

ہو کرم اَمنِ روزِ جزا کی                                                                                                     میرے   مولیٰ !   تُو   خیرات   دیدے ^{( [1] )}

صَلُّوْا عَلَی الْحَبِیْب !                                                صَلَّی اللہ عَلٰی مُحَمَّد

آیتِ کریمہ سے ملنے والے اَسْباق

پیارے اسلامی بھائیو ! پارہ : 1 ، سورۂ بقرہ کی ان دو آیات  ( آیت : 14 اور 15 )  سے ہمیں کئی سبق سیکھنے کو ملتے ہیں :

 ( 1 ) : دو چہروں والا مت بنیئے !

پہلا سبق تو یہ حاصِل ہوا کہ ہمیں ظاہِرمیں ، باطِن میں ، لوگوں کے سامنے اور ان کی پیٹھ پیچھے ایک جیسا رہنا چاہئے۔یہ مُنَافقوں کا بُرا وَصْف ہے کہ یہ بدبخت لوگ صحابۂ کرام  علیہمُ الرِّضْوان کے سامنے اُن کی تعریفیں کرتے تھے ، مخلص مسلمان ہونے کی قسمیں کھایا کرتے تھے مگر پیٹھ پیچھے دِین کامذاق بھی اُڑاتے تھے اور صحابۂ کرام علیہمُ الرِّضْوان کی بُرائیاں بھی کیا کرتے تھے۔

لوگوں میں بدترین کون... ؟

یہ بہت ہی بُرا وَصْف ہے ، ہمیں ہر دَم اس سے بچتے رہنا چاہئے۔ صحابئ رسول ،