* امام محمد بن محمدغزالی رَحْمَۃُ اللّٰہ ِ عَلَیْہ فرماتے ہیں : دل کا شکر یہ ہے کہ نعمت کے ساتھ خیر اور نیکی کاا رادہ کیا جائے * زبان کا شکر یہ ہے کہ اس نعمت پر اللہ پاک کی حمد وثناء کی جائے ۔ * باقی اعضا کا شکر یہ ہے کہاللہ پاک کی نعمتوں کو اللہ پاک کی عبادت میں خرچ کیا جائے اور ان نعمتوں کواللہ پاک  کی معصیت میں صرف ہونے سے بچایا جائے * آنکھوں کا شکر یہ ہے کہ کسی مسلمان کا عیب دیکھے تو ا س پر پردہ ڈالے۔ ( احیاء العلوم ، کتاب الصبروالشکر ، الرکن الاول فی نفس الشکر ، بیان فضیلۃ الشکر ، ۴ / ۱۰۳۔ملخصاً )

صَلُّوْا عَلَی الْحَبِیْب !                                                 صَلَّی اللہ عَلٰی مُحَمَّد

 * کسی قوم سے خطرے کے وقت  کی دُعا

دعوتِ اسلامی کے ہفتہ وار سُنّتوں بھرے اجتماع کے شیڈول کےمطابِق ”  کسی قوم سے خطرے کے وقت کی دعا “ یادکروائی جائےگی۔وہ دُعایہ ہے :

اَللّٰھُمَّ اِنَّا نجعلک فی نحورہم و نعوذ بک من شرورھم ۔  ( ابو داود ، ۲ / ۱۲۷ ، حدیث : ۱۵۳۷ )

ترجمہ : اے اللہ ! ہم تجھے دشمنوں کے مقابل کرتے ہیں اور ان کی شرارتوں سے تیری پناہ چاہتے ہیں۔  ( مدنی پنج سورہ ، ص 220 )

صَلُّوْا عَلَی الْحَبِیْب !                                        صَلَّی اللہ عَلٰی مُحَمَّد

 * اجتماعی جائزے کا طریقہ ( 72نیک اعمال  )

فرمانِ مُصْطَفٰے صَلَّی اللہ عَلَیْہِ واٰلِہٖ وَسَلَّمَ  :  ( آخرت کے معاملے میں ) گھڑی بھر غور و فکر کرنا 60 سال کی عبادت سے بہتر ہے۔ ( جامع صغیرللسیوطی ، ص۳۶۵ ، حدیث : ۵۸۹۷ )