Ehsaas e Kamtri Ki Chand Wajohat Aur Ilaj

سے ابتدا کرو ! اللہ پاک نے مجھے محنتوں کا پھل عطا فرمایا ، تجھے بھی ضرور عطا فرمائے گا۔

اے عاشقانِ رسول ! غور فرمائیے ! عالی شان بنگلے میں رہنے والے دُنیوی طَور پر کامیاب انسان کے پیچھے محنت و مشقت کی کتنی بڑی داستان تھی۔ اسی طرح ہم بھی جسے دیکھ کر اِحْسَاسِ کمتری کا شِکار ہو رہے ہوتے ہیں ، ہمیں چاہئے کہ اِحْسَاسِ کمتری کا شِکار نہ ہوں بلکہ اُس کی طرح شوق و ذوق کے ساتھ ، لگن کے ساتھ خُوب دِل لگا کر محنت کریں ، اِنْ شَآءَ اللہ الْکَرِیْم ! کامیابی ہمارا مقدر بنے گی ۔

انسان اور جانور میں ایک فرق

ہم ذرا غور کریں؛ انسانوں اور جانوروں میں ایک بڑا واضِح فرق ہے۔ جانوروں نے جو بَننا ہوتا ہے ، وہ بَن کر پیدا ہوتے ہیں مگر انسان نے جو بننا ہوتا ہے وہ بڑا ہو کر بنتا ہے۔ مثال کے طَور پر گھوڑا جب پیدا ہوتا ہے تو وہ گھوڑا ہی ہوتا ہے اور بڑا ہو کر بھی گھوڑا ہی رہتاہے ، کبھی آپ نے دیکھا کہ گھوڑا بڑا ہو کر ڈاکٹر یا انجینئر وغیرہ بَن گیا ہو ؟ اس کے برخِلاف انسان کو دیکھیں تو انسان نے جو بننا ہوتا ہے ، وہ اس دُنیا میں آنے کے بعد بڑا ہو کر بنتا ہے۔

صِرْف 2 رُتبے ہیں جو وَہْبِی ہیں یعنی محنت سے حاصِل نہیں کئےجا سکتے : ( 1 ) : ایک نُبُوَّت ( 2 ) : دوسرا وِلایت۔ یہ دونوں رُتبے اللہ پاک جسے عطا فرمائے ، اسی کو مِل سکتے ہیں اور نُبُوَّت تَو ختم ہو چکی ، ہمارے پیارے اور آخری نبی ، رسولِ ہاشمی ، مُحَمَّد عربی صَلَّی اللہ عَلَیْہِ وَاٰلِہٖ وَسَلَّم کے بعد اب قیامت تک کوئی نیانبی نہیں آئے گا۔

غرض؛ ان دو رُتبوں کے عِلاوہ سب رُتبے کسبی ہیں۔ انسان بڑا ہو کر جو بننا چاہے ، بَن سکتا ہے ، اس کے لئے صِرْف3 چیزوں کی ضرورت ہے : ( 1 ) : یقین ( 2 ) : جذبہ اور ( 3 ) : محنت۔

Important

Mobile Apps

Contact Us