تَوَجُّہ اِلَی اللہ

اَلْحَمْدُ لِلّٰہِ رَبِّ الْعٰلَمِیْنَ وَ الصَّلٰوۃُ وَالسَّلَامُ عَلٰی سَیِّدِ الْمُرْسَلِیْنَ ^ط

اَمَّا بَعْدُ فَاَعُوْذُ بِاللّٰہِ مِنَ الشَّیْطٰنِ الرَّجِیْمِ ^ط بِسْمِ اللہ الرَّحْمٰنِ الرَّ حِیْم ^ط

اَلصَّلٰوۃُ وَ السَّلَامُ عَلَیْكَ یَا رَسُولَ اللہ وَعَلٰی اٰلِكَ وَ اَصْحٰبِكَ یَا حَبِیْبَ اللہ

اَلصَّلٰوۃُ وَ السَّلَامُ عَلَیْكَ یَا نَبِیَّ اللہ وَعَلٰی اٰلِكَ وَ اَصْحٰبِكَ یَا نُوْرَ اللہ

نَوَیْتُ سُنَّتَ الْاِعْتِکَاف ( ترجمہ : میں نے سُنَّت اعتکاف کی نِیَّت کی )

درودِ پاک کی فضیلت

روایت ہے : ایک روز سرکارِ نامدار ، رسولوں کے سردار صلی اللہ عَلَیْہِ وَ آلِہٖ وَسَلَّم با ہَرتشریف لائے ، اِس موقع پر حضرت ابو طلحہ اَنصاری رَضِیَ اللہ عنہ نے آگے بڑھ کر عرض کیا : یَارَسُوْلَ اللہ صلی اللہ عَلَیْہِ وَ آلِہٖ وَسَلَّم ! میرے ماں باپ آپ پر قربان ہوں ، آج چہرۂ مُبارَک پر خوشی کے آثار معلوم ہو رہے ہیں۔ پیارے آقا ، مدینے والے مصطفےٰ صلی اللہ عَلَیْہِ وَ آلِہٖ وَسَلَّم نے فرمایا : بے شک ابھی جبرئیلِ امین ( عَلَیْہِ السَّلام ) میرے پاس آئے تھے اور اُنہوں نے عرض کیا : اے مُحَمَّد صلی اللہ عَلَیْہِ وَ آلِہٖ وَسَلَّم ! جس نے آپ پر ایک بار درودِ پاک پڑھا ، اللہ پاک اُس کے نامۂ اعمال میں 10نیکیاں لکھے گا اور10گُناہ مٹا دے گا اور 10 درجات بڑھادےگا۔⁽[1]⁾

اُن پر درود جن کو کَسِ بے کَساں کہیں اُن پر سَلام جن کو خَبَر بے خَبَر کی ہے^{( ^[2] )}

وضاحت : وہ پیارے آقا ، مکی مدنی مصطفےٰ صلی اللہ عَلَیْہِ وَ آلِہٖ وَسَلَّم جن کو بےسہاروں کا سہارا کہا جاتا ہے ، جو ہر بےخبر کی خبر رکھنے والے ہیں ، ان پر درود اور سلام ہوں۔

صَلُّوْا عَلَی الْحَبیب ! صَلَّی اللّٰہُ عَلٰی مُحَمَّد

[1]...القول البدیع ، صفحہ : 118۔

[2]...حدائقِ بخشش ، صفحہ : 209۔

Important

Mobile Apps

Contact Us