Book Name:Naik Amal Ke Dunyawi Faiday
ماشومانو په اتمه يا لسمه پيړئ کښې پلار [يعنې د نيکونو نيکه] وو. ([1])
سُبْحٰنَ الله! دا دے د نيکو اعمالو برکت...!! خوږ آقا، مکي مدني مصطفٰے صَلَّى اللهُ عَلَيْهِ وَاٰلِهٖ وَسَلَّم فرمائي: د انسان د نيک کيدو له وجهې الله پاک د هغه د اَولاد در اَولاد بهتري فرمائي او د هغه د نسل بلکه د هغه د ګاؤنډيانو هم رعايت فرمائي. ([2])
د زياتو لـمونځونو ادا کولو ځانګړے سبب
حضرت سعيد بن مُسَيّب رَحْمَةُ اللهِ عَلَيْه به خپل ځوئ ته فرمائيل: ځويه! زه ستا په وجه زيات لـمونځونه کووم د پاره د دې چې الله پاک د دې لـمونځونو په برکت ستا حفاظت اوفرمائي. ([3])
سُبْحٰنَ الله! خوږو او محترمو اسلامي وروڼو! * مونږ هم د خپل اولاد حفاظت کوو * د هغوئي د پاره فِکر مند اوسو * ماشوم چې پيدا شي بلکه د هغه د پيدا کيدو نه مخکښې د هغه د روښانه مستقبل فِکرونه شروع کړو * چې زمونږه بچے محتاجه نه شي * هغه ته د څه څيز کمے رانشي * لوئے سړے جوړ شي * نورو ته لاس اونه نيسي * د دې د پاره منصوبے جوړوو، د اولاد پيدا کيدو نه وروستو انسان د مخکښې نه د زياتې ګټې کوشش شروع کړي. ښه خبره ده، د اولاد د پاره فِکر مند کيدل پکار دي خو د بزرګانو انداز ته اوګورئ څومره ښکلے انداز دے...! د دې مقصد دپاره چې الله پاک ئې د بچي حفاظت اوفرمائي، بچے ئې د آفتونو، بلاګانو، مصيبتونو، غريبئ، محتاجئ وغيره نه محفوظ پاتې شي، د دې مقصد د پاره به حضرت سعيد بن مُسَيّب رَحْمَةُ اللهِ عَلَيْه زيات لـمونځونه ادا کول. سُبْحٰنَ الله! څومره ښکلے شان ئې لرلو...!!