Surah Fatiha

Al Quran Books Madani Channel

Magazine Courses Media

رہے تھے ، اسے سُن کر رسولِ اکرم ، نورِ مُجَسَّم صلی اللہ عَلَیْہِ وَ آلِہٖ وَسَلَّم ٹھہر گئے اور سورۂ فاتحہ کی تلاوت سننے لگے ، جب صحابی رَضِیَ اللہ عنہ نے سورۂ فاتحہ مکمل پڑھ لی تو اللہ پاک کے آخری نبی ، رسولِ ہاشمی صلی اللہ عَلَیْہِ وَ آلِہٖ وَسَلَّم نے فرمایا : مَا فِی الْقُرْآنِ مِثْلُہَا یعنی قرآنِ مجید میں اس جیسی کوئی سُورت نہیں۔^{( ^[1] )}

سورہ فاتحہ کا تعارُف

پیارے اسلامی بھائیو ! سورۂ فاتحہ قرآنِ کریم کی مختصر سُورت ہے ، اس میں 1 رکوع ، 7 آیات ، 27 کلمے ( یعنی الفاظ ) اور 140 حروف ہیں۔ امام مجاہد رَحمۃُ اللہ عَلَیْہ فرماتے ہیں : سورۂ فاتحہ مدینہ منورہ میں نازِل ہوئی۔ ایک قول یہ ہے کہ سورۂ فاتحہ2 مرتبہ نازِل ہوئی ، 1 بار مکہ مکرمہ میں اور 1 مرتبہ مدینہ منورہ میں۔^{( ^[2] )}

شیطان چیخیں مار کر رویا

امام جلال الدین سیوطی شافعی رَحمۃُ اللہ عَلَیْہ نے روایت ذِکْر کی ، فرماتے ہیں : ابلیس ( یعنی شیطان ) 4 مرتبہ چیخیں مار کر رویا ( 1 ) : ایک مرتبہ جب اس پر لعنت برسی ( 2 ) : دوسری مرتبہ جب اسے زمین پر اُتارا گیا ( 3 ) : تیسری مرتبہ جب اللہ پاک کے آخری نبی ، رسولِ ہاشمی صلی اللہ عَلَیْہِ وَ آلِہٖ وَسَلَّم نے اعلان نبوت فرمایا ( 4 ) : اور چوتھی مرتبہ جب سورۂ فاتحہ نازِل ہوئی۔ امام مجاہد رَحمۃُ اللہ عَلَیْہ فرماتے ہیں : جب سورۂ فاتحہ نازِل ہوئی تو ابلیس ( یعنی شیطان ) انتہائی مشقت میں پڑا اور خوب دھاڑیں مار مارکر چیخ چِلّا کر رویا۔^{( ^[3] )}

[1]...معجم اوسط، جلد:2، صفحہ:158، حدیث:2866۔

[2]... تفسیر صراط الجنان، پارہ:1، سورۂ فاتحہ، جلد:1، صفحہ:37ملتقطاً ۔

[3]...تفسیر در منثور، پارہ:1، سورۂ فاتحہ، جلد:1، صفحہ:17۔

Important

Mobile Apps

Contact Us