Surah Fatiha

میں نماز پڑھ رہا تھااس لئے حاضر نہیں ہو سکا۔ فرمایا : کیا تم نے کلامِ اِلٰہی کی یہ آیت نہ پڑھی کہ

یٰۤاَیُّهَا الَّذِیْنَ اٰمَنُوا اسْتَجِیْبُوْا لِلّٰهِ وَ لِلرَّسُوْلِ اِذَا دَعَاكُمْ لِمَا یُحْیِیْكُمْۚ ( پارہ : 9 ، سورۂ انفال : 24 )

ترجمہ کنزُ الایمان : اے ایمان والو اللہ ورسول کے بلانے پر حاضر ہو جب رسول تمہیں اس چیز کے لیے بلائیں جو تمہیں زندگی بخشے گی۔

عرض کیا : یارسولَ اللہ صلی اللہ عَلَیْہِ وَ آلِہٖ وَسَلَّم میں نے یہ آیت پڑھی ، آیندہ ایسا نہیں کروں گا ( یعنی آیندہ نماز میں بھی ہوا تو بُلانے پر فوراً حاضِر ہو جایا کروں گا ) ۔ اب اللہ پاک کے آخری نبی ، رسولِ ہاشمی صلی اللہ عَلَیْہِ وَ آلِہٖ وَسَلَّم نے فرمایا : کیا میں تمہیں قرآنِ مجید کی ایسی سُورت سکھاؤں کہ اس کی مثل سُورت نہ تورات میں اُتری ، نہ انجیل میں ، نہ زبور میں اور نہ ہی قرآنِ مجید کی باقِی سُورتوں میں ایسی کوئی سُورت ہے ؟ عرض کیا : کیوں نہیں ( یارسولَ اللہ صلی اللہ عَلَیْہِ وَ آلِہٖ وَسَلَّم ! ضرور سکھا دیجئے ) آپ صلی اللہ عَلَیْہِ وَ آلِہٖ وَسَلَّم نے فرمایا : تم نماز میں کیا تلاوت کرتے ہو ؟ اس پر حضرت اُبی بن کَعْب رَضِیَ اللہ عنہ نے سورۂ فاتحہ کی تلاوت شروع کر دی ، رسولِ اکرم ، نورِ مُجَسَّم صلی اللہ عَلَیْہِ وَ آلِہٖ وَسَلَّم نے فرمایا : اس ذات کی قسم جس کے قبضے میں میری جان ہے ، بےشک یہی وہ سُورت ہے کہ اس کی مثل سُورت نہ تورات میں ہے ، نہ انجیل میں ہے ، نہ زبور میں اور نہ ہی قرآنِ کریم کی باقی سُورتوں میں ، بےشک یہی سَبْعِ مَثانی ( یعنی بار بار پڑھی جانے والی 7 آیات کی سورت ) ہے۔^{( ^[1] )}

[1]...ترمذی، کتاب فضائل القرآن، باب ما جاء فی فضل فاتحۃ الکتاب، صفحہ:669، حدیث:2875۔

Important

Mobile Apps

Contact Us