Surah Fatiha

Al Quran Books Madani Channel

Magazine Courses Media

اللہ فرماتا ہے : میرے بندے نے میری بزرگی بیان کی۔ بندہ پڑھتا ہے :

اِیَّاكَ نَعْبُدُ وَ اِیَّاكَ نَسْتَعِیْنُؕ(۴) ( پارہ : 1 ، سورۂ فاتحہ : 4 )

ترجمہ کنزُ العرفان : ہم تیری ہی عبادت کرتے ہیں اور تجھ ہی سے مدد چاہتے ہیں۔

اللہ فرماتا ہے : یہ میرے اور میرے بندے کے درمیان برابر ہے ( کہ بندہ اللہ پاک کی عبادت کرتا ہے ، اللہ پاک بندے کی مدد و نُصْرت فرماتا ہے ) ۔ پھر بندہ پڑھتا ہے :

اِهْدِنَا الصِّرَاطَ الْمُسْتَقِیْمَۙ(۵) صِرَاطَ الَّذِیْنَ اَنْعَمْتَ عَلَیْهِمْ ﴰ غَیْرِ الْمَغْضُوْبِ عَلَیْهِمْ وَ لَا الضَّآلِّیْنَ۠(۷)

( پارہ : 1 ، سورۂ فاتحہ : 5تا7 )

ترجمہ کنزُ العرفان : ہمیں سیدھے راستے پر چلا ان لوگوں کا راستہ جن پر تو نے احسان کیانہ کہ ان کا راستہ جن پر غضب ہوا اور نہ بہکے ہوؤں کا۔

اللہ پاک فرماتا ہے : یہ میرے بندے کے لئے ہے اور میرے بندے کے لئے وہی ہے جس کا اس نے سُوال کیا۔^{( ^[1] )}

سُبْحٰن اللہ ! پیارے اسلامی بھائیو ! غور فرمائیے ! یہ کیسی عظیم فضیلت ہے۔ سورۂ فاتحہ کی 7 آیات ہیں ، بندہ ایک ایک آیت پڑھتا جاتا ہے ، اللہ پاک اسے سنتا بھی ہے اور ہر ہر آیت پر جواب بھی عطا فرماتا ہے۔ علَّامہ اِبْنِ رجب حنبلی رَحمۃُ اللہ عَلَیْہ فرماتے ہیں : یہ ( یعنی بندے کا سورۂ فاتحہ پڑھتے جانا اور اللہ پاک کا جواب عنایت فرماتے جانا ، یہ ) سورۂ فاتحہ کی خاص فضیلت ہے جو اس کے عِلاوہ کسی سُورت میں نہیں۔^{( ^[2] )}

[1]...مسلم، کتاب الصلاۃ، باب وجوب قراءۃ الفاتحۃ، صفحہ:154، حدیث:395۔

[2]...تفسیر ابن رجب حنبلی، پارہ:1، سورۂ فاتحہ، جلد:1، صفحہ:68۔

Important

Mobile Apps

Contact Us