تقرير ولې نه شروع کوئ؟ مونږه ستاسو خبرو ته ليواله يو۔ هغه لوئي عالِم اووئيل: نن ستاسو په دې اجتماع کښې يو محمدي (يعنې د آخري نبي، مُحَمَّدِ عربي صَلَّى اللهُ عَلَيْهِ وَاٰلِهٖ وَسَلَّم) غلام هم موجود دے، هغه ستاسو د دِين د امتحان اخستو د پاره راغلے دے۔

بيا هغه لوئي عالِم په چغه اووئيل: اے محمدي! زه تا له د مُحَمَّد صَلَّى اللهُ عَلَيْهِ وَاٰلِهٖ وَسَلَّم وسيله درکووم، چې چرته هم ئې اودريږه! حضرت بايزيد بَسطامي رَحْمَةُ اللهِ عَلَيْه اودريدو۔ اوس هغه لوئي عالِم اووئيل: زه به ستا نه يو څو پوښتنې کووم، که چرې تا جوابونه راکړل نو مونږه ټول به ستاسو خبره منو، که چرې تا جواب رانکړے شو نو مونږه به تا هم دلته وژنو۔

حضرت بايزيد بَسطامي رَحْمَةُ اللهِ عَلَيْه ډير لوئي وليُ الله وو، ډير لوئي عالِمِ دِين هم وو، هغوئي اوفرمائيل: څه پوښتنه چې کول غواړې اوئې کړه! زه به جواب درکووم۔ د هغه کافِرانو هغه لوئي عالِم د هغوئي نه 61 پوښتنې اوکړې، حضرت بايزيد بَسطامي رَحْمَةُ اللهِ عَلَيْه هلته په ولاړه ولاړه د دغه 61 پوښتنو صحيح صحيح جوابونه ارشاد اوفرمائيل۔ د ټولو پوښتنو د جوابونو ورکولو نه پس هغوئي رَحْمَةُ اللهِ عَلَيْه اوفرمائيل: اوس تۀ زما د يوې پوښتنې جواب راکړه! دا اووايه! د آسمانونو او جنّت کُنجي څه ده؟ د کافِرانو لوئي عالِم اووئيل: د آسمانونو او جنّت کُنجي دا کلمۀ طَيّبه لَا اِلٰہَ اِلَّا اللہُ مُحَمَّدٌ رَّسُوْلُ اﷲ ده۔ د خپل د ټولو نه د لوئي عالِم په ژبه ئې چې دا واوريدل نو هلته چې کوم کافِران موجود وو، ټولو کلمه اووئيله او مسلمانان شول، د عبادت په کوم ځائے کښې چې هغوئي راجمع شوي وو، هغه ئې هم په جُمات کښې بدل کړو۔ ^([1])