Kalima Taiyiba Ki Barkat

Al Quran Books Madani Channel

Magazine Courses Media

حضرت عبد اللہ بن عباس رَضِیَ اللہ عنہما فرماتے ہیں : دن رات میں کُل 24 گھنٹے ہیں اور کلمۂ طیِّبہ کے حروف بھی 24 ہیں تو جو کوئی ایک بار کلمۂ طیبہ پڑھتا ہے تو اس کا ہر حرف ایک گھنٹے کے گناہوں کا کفارہ بن جاتا ہے۔ پس جب بندہ ہر روز ایک مرتبہ کلمۂ طیبہ پڑھتا ہے تو اس پر کوئی گناہ باقی نہیں رہتا ، ( اب غور کر لو ! ) جو اس کی کثرت کرتا ہے اور اس کو اپنا مشغلہ بنا لیتا ہے اس کا کیا مقام و مرتبہ ہو گا... ! ! ^{( ^[1] )}

نہ قبر میں وحشت ، نہ آخرت میں عذاب

حضرت عبد اللہ بن عمر رَضِیَ اللہ عنہما سے روایت ہے ، سرکارِ مدینہ ، قرارِ قلب سینہ صَلَّی اللہ عَلَیْہِ وَ آلِہٖ وَ سَلَّم نے فرمایا : لَا اِلٰہَ اِلَّا اللہ پڑھنے والوں پر نہ قبر میں کوئی وحشت ہو گی ، نہ قبروں سے زندہ اٹھنے میں۔ گویا میں انہیں دیکھ رہا ہوں ، جب وہ اپنے سروں سے مٹی جھاڑتے ہوئے قبروں سے نکلیں گے اور لَا اِلٰہَ اِلَّا اللہ کہتے ہوئے جنت میں داخل ہوجائیں گے ، پھروہ کہیں گے : ^{( ^[2] )}

الْحَمْدُ لِلّٰهِ الَّذِیْۤ اَذْهَبَ عَنَّا الْحَزَنَؕ ( پارہ : 22 ، سورۂ فاطر ، آیت : 34 )

ترجمہ کَنْزُ الایمان : سب خوبیاں اللہ کو جس نے ہمارا غم دُور کیا ۔

صَلُّوْا عَلَی الْحَبِیْب ! صَلَّی اللہ عَلٰی مُحَمَّد

[1]...الروض الفائق ، المجلس السابع و الاربعون : فی مناقب الصالحین ، صفحہ : 273 ۔

[2]...معجمِ اوسط ، جلد : 6 ، صفحہ : 480 ، حدیث : 9478۔

Important

Mobile Apps

Contact Us