مشهور مفسرِ قرآن، حڪيم الامت حضرت مفتي احمديارخان رَحۡمَةُ اللهِ عَلَيۡه هن حديث پاڪ جي حوالي سان فرمائن ٿا: ربّ ڪريم فرمايو:

یُقِیۡمُوۡنَ الصَّلٰوۃَ

(پارہ :1، سورۂ بقرۃ:3)

ترجموڪنزالعرفان: ۽ نماز قائم ڪيو

يا فرمايو:

وَ یُقِیۡمُوۡنَ الصَّلٰوۃَ

(پارہ :1، سورۂ بقرۃ:3)

ترجموڪنزالعرفان: ۽ نماز قائم رکو

  هن مان مراد آهي نماز صحيح پڙهڻ ۽ نماز صحيح پڙهڻ ۾ صف جو سِڌو ڪرڻ به داخل آهي جو ان جي بغير نماز ناقص آهي.^[1]

شيطان صفون گِهڙي ويندو   آهي

 نبي پاڪ صاحبِ لولاڪ صَلَّى اللّٰهُ عَلَيۡهِ واٰلِهٖ وَسَلَّمَ فرمايو: پنهنجون صفون سِڌيون ڪريو، انهن ۾ نزديڪي ڪيو، پنهنجا ڪلها ڪلهي سان ملائي رکو، ان جي قسم جنهن جي قبضي ۾ منهنجي جان آهي مان شيطان کي صفن جي ڪشادگي ۾ ٻڪري جي ٻار جيان گهڙندي ڏسان ٿو.^[2]

مشهور مفسرِ قرآن، حڪيم الامت حضرت مفتي احمديارخان رَحۡمَةُ اللهِ عَلَيۡه هن حديث پاڪ جي حوالي سان فرمائن ٿا: معنيٰ هي ٿي ته نماز جون صفون سِڌيون به رکو ۽ انهن ۾ ملي ڪري به بيهو جو هڪٻئي جا ڪلها پاڻ ۾ مليل هجن. صفون قريب قريب رکو هن طرح جو 2 صفن جي درميان ٻي صف نه ٺهي سگهي يعني صرف سجدي جو فاصلو رکو، نمازِ جنازه ۾ ڇوته سجدو ناهي هوندو انهي ڪري اتي صفن ۾ هن کان به گهٽ فاصلو گهرجي.