کی تباہ کاری میں گرفتار ہو گیا ، اس نے 6 راتیں غیر عورت کے ساتھ گزاریں۔

اُس کی سابقہ عِبَادت اسے کام آئی ، اللہ پاک کا پھر کرم ہوا اور اسے اس گُنَاہ پر ندامت نصیب ہو گئی ، جب اسے اِحْسَاس ہوا کہ میں اللہ پاک کی نافرمانی میں مبتلا ہو گیا ہوں تو خوفِ خُدا کے سبب دوڑتا ہوا مسجد کی طرف آیا ، وہاں اس نے دیکھا کہ 3 بھوکے شخص بیٹھے ہیں ، چنانچہ اس نے ان تینوں کو کھانا کھلانے کی سَعَادت حاصِل کی۔ روایت میں ہے : انتقال کے بعد جب اس کے اَعْمَال کا حساب ہوا تو 60 سال کی عِبَادت ایک پلڑے میں اور 6 دِن کا گُنَاہ دوسرے پلڑے میں رکھا گیا ، آہ ! وہ 6 دِن کا بدکاری والا گُنَاہ 60 سال کی عِبَادت پر غالِب آگیا مگر اللہ پاک کا کرم ہوا ، وہ ایک روٹی جو اس نے 3 بھوکے آدمیوں کو کھلائی تھی ، جب وہ روٹی نیکیوں والے پلڑے میں رکھی گئی تو اس کا نیکیوں والا پلڑا بھاری ہو گیا۔ ^{( [1] )}  

اللہ اکبر ! پیارے اسلامی بھائیو ! غور فرمائیے ! 6 دِن کا گھناؤنا جُرْم جو 60 سال کی عِبَادت پر بھاری  ہو گیا تھا ، ایک روٹی جو بھوکے کا پیٹ بھرنے کے لئے صدقہ کی گئی ، اس جُرْم پر غالِب آئی اور اس عبادت گزار کی بخشش کا ذریعہ بن گیا۔ سُبْحٰنَ اللہ ! اللہ پاک ہمیں بھی خوب دِل کھول کر راہِ خُدا میں خرچ کرنے ، بھوکوں کو کھانا کھلانے ، غریبوں کی مدد کرنے کی توفیق عطا فرمائے۔ اٰمِیْن بِجَاہِ  خَاتَمِ النَّبِیّٖن صَلَّی اللہ عَلَیْہِ وَ آلِہٖ وَ سَلَّم  

گنہگار ہوں میں لائِقِ جہنّم ہوں                                                                               کرم سے بخش دے مجھ کو نہ دے سزا یارَبّ !

بُرائیوں پہ پشیماں ہوں رحم فرما دے                                         ہے تیرے قہر پر حاوِی تری عطا یارَبّ !

صَلُّوْا عَلَی الْحَبِیْب !                                                صَلَّی اللہ عَلٰی مُحَمَّد