میں دیکھا ، کیا دیکھتا ہے : ایک خوبصورت نوجوان ہے ، اس نے سفید لباس پہنا ہے ، سبز عمامہ سر پر سجایا ہے اور ایک خوبصورت گھوڑے پر بیٹھا آسمان سے اُتر رہا ہے ، خواب دیکھنے والے نے اس کا یہ مقام و مرتبہ دیکھ کر حیرانی سے پوچھا : اے نوجوان ! تم اس مقام پر کیسے پہنچے ؟ نوجوان نے کہا : مجھے میرے عِلْمِ دِین نے یہاں تک پہنچایا ، عِلْم کا ہر وہ باب جو میں نے سیکھا تھا ، اللہ پاک نے ہر باب کے بدلے مجھے جنّت میں ایک درجہ عطا فرمایا ، پس عِلْمِ دین کی برکت سے مجھے درجات ملتے گئے ، ملتے گئے ، اگرچہ میں طالِبِ عِلْم تھا مگر اللہ پاک کے فضل وکرم سے عُلَما کے درجے تک پہنچا دیا گیا ، اللہ پاک نے فرشتوں کو حکم دیا : میرے انبیائے کرام عَلَیہمُ السّلام کے وارثوں کے درجات بلند کرو ! بےشک میں نے اپنے ذِمّۂ کرم پر لازِم کیا ہے کہ جو بھی عالِمِ دین ہو یا طالِبِ عِلْمِ دِین ہو ، اُن سب کو ایک ہی درجے میں رکھا جائے گا۔ وہ خوش نصیب طالِبِ عِلْم بولا : میں بھی طالِبِ عِلْمِ دین تھا ، پَس اللہ پاک نے مجھے بلند درجات عطا فرمائے ، یہاں تک کہ میرے اور رسولِ اکرمِ نورِ مجسم صلی اللہ عَلَیْہِ وَ آلِہٖ وَسَلَّم کے درمیان صِرْف دو درجات کا فاصِلہ رِہ گیا ، ایک درجہ وہ جہاں سرکارِ عالی وقار ، مکی مدنی تاجدار صلی اللہ عَلَیْہِ وَ آلِہٖ وَسَلَّم دیگر انبیائے کرام عَلَیہمُ السّلام کے ساتھ تشریف فرما ہیں اور دوسرا درجہ وہ جہاں صحابۂ کرام علیہمُ الرِّضْوَان اور پچھلے نبیوں پر ایمان لانے والے موجود ہیں ، ان 2درجات کے بعد جو درجہ وہ عُلَمائے کرام اور طُلَبائے عِلْمِ دِین کے لئے ہے۔ طالِبِ عِلْمِ دین اللہ پاک کی عنایات کا مزید ذِکْر کرتے ہوئے کہا : میں جب عُلَمائے کرام والے درجے میں پہنچا تو وہاں موجود عُلَمائے کرام نے میرا خوب اچھے سے استقبال کیا ، پھر اللہ پاک نے ہمیں خوشخبری دیتے ہوئے فرمایا : اے گروہِ عُلَما... ! یہ میری جنّت ہے ، یہ میں نے تمہیں عطا کی ، یہ میری