Book Name:Shair e Khuda Ka Zuhad
* هم داسې د مولا علـي رَضِىَ اللهُ عَـنْهُ تقویٰ، د هغوئي پرهيزګاري * د هغوئي عشقِ رسول * د هغوئي د الله سره محبت * د هغوئي د عبادتونو شوق غرض: بے شميره صفتونه دي کوم چې مونږ ته د مولا علـي شيرِ خُدا رَضِىَ اللهُ عَـنْهُ د پاک سيرت نه د زده کولو د پاره ميلاويږي.
په صحابۀ کرامو کښې د ټولو نه لوئے زاهد
د مولا علـي رَضِىَ اللهُ عَـنْهُ په دې اعلٰی اوصافو او کمالاتو کښې يو اهم صفت دے: د شيرِ خُدا رَضِىَ اللهُ عَـنْهُ زُهد او د دُنيا سره رغبت نه لرل. دا د حضرت علـي رَضِىَ اللهُ عَـنْهُ په خاص صفتونو کښې يو اهم صفت دے. د خپل وخت ډير لوئے مُحَدِّث حضرت سُفيَان بن عُيَينَه رَحْمَةُ اللهِ عَلَـيْه فرمائي: په صحابۀ کرامو علـيهمُ الرّضوَان کښې د ټولو نه لوئے زاهد اَمِيرُ المُؤمِنِين حضرت علـي المُرتضٰی رَضِىَ اللهُ عَـنْهُ وو.[1]
د حضرت علـي رَضِىَ اللهُ عَـنْهُ ښکلا زُهد وه
د صحابئ رسول حضرت عمّار بن ياسر رَضِىَ اللهُ عَـنْهُ نه روايت دے، د الله پاک آخري نبي، رسولِ هاشمي صَلَّى اللهُ علـيهِ وَاٰلِهٖ وَسَلَّم يوه ورځ حضرت مولا علـي رَضِىَ اللهُ عَـنْهُ ته اوفرمائيل: اے علـي! الله پاک تۀ په داسې ښائست ښکلے کړے ئې چې د دې نه زيات ښائست ئې څوک نه دے ښکلے کړے، دا د الله پاک سره د نيکانو خلقو ښکلا ده يعنې د دُنيا سره رغبت نه لرل. بس اوس نه د دُنيا ستا سره څه مطلب دے، نه ستا د دې سره څه کار...!! (اے علـي رَضِىَ اللهُ عَـنْهُ!) الله پاک تا ته د مسکينانو محبت عطا کړے دے.[2]