Book Name:Shair e Khuda Ka Zuhad
روژه نيوونکي طرف ته چا څه څيز اويشتلو هغه د هغه حلق ته لاړو نو روژه ماته شوه * په اودو (يعنې د خوب په حالت کښې) ئې اوبه اوڅښلې يا ئې څه اوخوړل، خُله ئې بيرته وه د اوبو څاڅکے يا د باران ږلئ ئې حلق ته لاړه نو روژه ماته شوه * د بَل چا لاړې ئې تيرې شوې يا ئې خپلې توکلې لاړې په لاس کښې را واخستې او تيرې ئې کړې نو روژه ماته شوه * په خُله کښې ئې رنګين تار وغيره کيښودو په کوم چې لاړې رنګينې شوې بيا ئې لاړې تيرې کړې روژه ماته شوه * اوښکې خُلے ته لاړې او تيرې شوې، که چرې يو څاڅکے دوه څاڅکي دي نو روژه ماته نشوه او که زياتې وې چې د هغې مالګينې تريو والے په ټوله خُله کښې محسوس شو نو روژه ماته شوه. د خوَلے هم دغه حکم دے.[1]
د رَمَضَانُ المُبَارَک د فضيلتونو او د روژې په باره کښې د تفصيلي احکامو او مسائلو نه د ځان خبرولو د پاره د شيخِ طريقت، اميرِ اهلِسُنَّت حضرت علّامه مولانا ابو بلال محمد الياس عطّار قادري رضوي دَامَـتْ بَـرَكَـاتُـهُـمُ الْـعَـالِـيَـهْ ډير ښکلے کتاب فيضانِ رمضان اولولئ! الله پاک دې مونږ له د عمل کولو توفيق راکړي.
اٰمِین بِجَاہِ خَاتَمِ النَّبِیِّيْن صَلَّى اللهُ عَلَيْهِ وَاٰلِهٖ وَسَلَّم.
صَلُّوۡا عَلَى الۡحَبِيۡب صَلَّى اللّٰهُ عَلٰى مُحَمَّد