مال کښې خيانت کيږي، د نورو حقونه د ښپو لاندې راوستے شي. د وراثت مال حق داران د هغوئي د حقونو نه محرومه کوي * رسولُ الله صَلَّى اللهُ علـيهِ وَاٰلِهٖ وَسَلَّم اوفرمائيل: خلق به د مال سره ډيره زياته مينه کوي. نن سبا د مال محبت په زړه کښې کور کړے دے، د مال په مينه کښې غلاګانے کيږي، ډاکے کيږي، په ناپ تول کښې کمے کيږي، د مال په مينه کښې د ګناهونو بازار ګرمولے کيږي، د سود لين دَين کيږي، په حرامو ذريعو سره مال ګټلے کيږي، غرض: د مال مينې په زړونو کښې کور کړے دے * رسولِ ذِيشان صَلَّى اللهُ علـيهِ وَاٰلِهٖ وَسَلَّم اوفرمائيل: خلق به دِين خرابوي، د عهدې منصب او حکومت طرف ته به مائله کيږي. دا خبره هم مونږه په معاشره کښې ليدلے شو، داسې کيږي.

اوس لږ غور اوکړئ: که چرې زمونږه آقا، مولا علـي شيرِ خُدا رَضِىَ اللهُ عَـنْهُ موجود وے نو هغوئي به څه کول؟ مولا علـي رَضِىَ اللهُ عَـنْهُ 5 کارونه بيان کړل چې که چرې په داسې زمانه کښې هغوئي وو نو 5 کارونه به ئې کول: (1) هغوئي اووئيل: زه به هغه (د آخرت هيرونکي، د دُنيا سره محبت کوونکي او په دِين کښې فساد جوړوونکي) خلق پريږدم، ځکه مونږ له هم پکار دي چې د داسې خلقو د صحبت نه ځان اوساتو، د آخِرت فِکر خپلوونکي، د قبر و آخرت په تيارئ کښې مصروفه اوسيدونکو نيک پرهيزګاره، عاشقانِ رسول صحبت اختيار کړو. (2) مولا علـي رَضِىَ اللهُ عَـنْهُ اووئيل: خلق چې هغه وخت څه اختيار کړي (يعنې دُنيا پرستي، د آخرت نه بے فِکري، د مال مينه، د عهدې او حکومت محبت وغيره) زه به ټول پريږدم. ځکه مونږ له هم پکار دي چې مونږه د دې څيزونو نه ځان خلاص کړو، د مال مينه، د دُنيا مينه، د آخرت نه بے فِکري، د عهدې او منصب حرص وغيره د زړه نه اوباسو، د قبر و آخرت تياري اوکړو، جنّت ته بوتلونکي عملونه خپل کړو او په