خوبيون آهن، کين حديث پاڪ ۾ بابُ مَدِیْنَةِ الْعِلْم (يعني علم جي شهر جو دروازو) چيو ويو آهي ^([1])سندن جي شجاعت ۽ بهادري جي ڪا مثال نٿي ملي، اهو به چيو ويو ته لَاسَیْفَ اِلَّا ذُوالْفِقَارِ وَلَا فَتٰی اِلَّا عَلِیٌّ يعني(جوان ناهي پر علي ۽ تلوار ناهي پر ذوالفقار). ^([2])اعلٰي حضرت، امام اهلسنت مولانا شاهه امام احمد رضا خان رَحْمَةُ اللهِ عَلَيْه فرمائن ٿا:

بَہرِ تسلیمِ علی میداں میں                                                                                                                             سر جھکے رہتے ہیں تلواروں کے^([3])

 ائين ئي مولا علي شيرِ خدا رَضِىَ اللهُ عَنْه جي تقوٰي، سندن پرهيزگاري. سندن عشق رسول. سندن محبتِ الٰهي. سندن ذوقِ عبادت مطلب ته: بيشمار اوصاف آهن جيڪي اسان کي مولا علي شيرِ خدا رَضِىَ اللهُ عَنْه جي پاڪيزه سيرت مان سکڻ جي لاءِ ملن ٿا:

صحابه ڪرام مان سڀ کان وڏا زاهد

مولا علي شيرِ خدا رَضِىَ اللهُ عَنْه جي انهن ئي اعلٰي اوصاف ۽ ڪمالات منجهان هڪ اهم وصف: شيرِ خدا رَضِىَ اللهُ عَنْه جو زهد ۽ دنيا کان بي رغبتي به آهي. اهو حضرت علي رَضِىَ اللهُ عَنْه جي خصوصي اوصاف مان هڪ اهم وصف آهي. پنهنجي دور جا تمام وڏا محدث حضرت سيدنا سفيان بن عُيَيۡنَه رَحْمَةُ اللهِ عَلَيۡه فرمائن ٿا: صحابه ڪرام عَلَيهمُ الرِّضْوَان مان سڀ کان وڏي عمر وارا اميرالمومنين حضرت علي المرتضٰي، شير خدا رَضِىَ اللهُ عَنْه هئا. ^([4])