Book Name:Shair e Khuda Ka Zuhad
حديثِ پاڪ ۾ آهي: اَلنِّیَّۃُ الْحَسَنَۃُ تُدْخِلُ صَاحِبَہَا الْجَنّۃَ سچي نيت ٻانهي کي جنت ۾ داخل ڪري ڇڏيندي آهي۔([1])
پيارا پيارا اسلامي ڀائرو! ! سٺين سٺين نيتن سان ثواب وڌي ويندو آهي. اچو! بيان ٻڌڻ کان پهريان سٺيون سٺيون نيتون ڪري وٺون ٿا، مثال طور نيت ڪريو! * رضاءِ الٰهي جي لاءِ مڪمل بيان ٻڌندس * اَدَب سان ويهندس * بيان دروان سُستي کان بچندس * پنهنجي اِصلاح جي لاءِ بيان ٻُڌندس * جيڪو ٻُڌندس، اهو ٻين تائين پهچائڻ جي ڪوشش ڪندس. انشآءَالله الڪريم!
صَلُّوْا عَلَي الْحَبِيب! صَلَّي اللّٰه عَلٰي مُحَمَّد
هڪ سيّد صاحب تنگ دستي ۾ مبتلا هو، اهو سيدي اعلٰي حضرت رَحْمَةُ اللهِ عَلَيۡه سان ملڻ جي لاءِ ايندو هو ۽ ڳالهين ڳالهين ۾ پنهنجي تنگ دستي ۽ غربت جي شڪايت به ڪندو رهندو هو. هڪ ڏينهن اهو سيد صاحب تشريف کڻي آيو ته تمام گهڻو پريشان هو.
سيدي اعلٰي حضرت رَحْمَةُ اللهِ عَلَيۡه جي سمجهائڻ جو انداز مرحبا...!!پاڻ رَحْمَةُ اللهِ عَلَيۡه ڪمال حڪمتِ عملي جي تحت سيد سڳوري کي سمجهائيندي فرمايو: صاحبزادا! هي ارشاد فرمايو ته جنهن عورت کي پيءُ طلاق ڏئي ڇڏي هجي ڇا اها پٽ لاءِ حلال ٿي سگهي ٿي؟ سيد سڳوري فرمايو: نه. ان تي سيدي اعلٰي حضرت رَحْمَةُ اللهِ عَلَيۡه فرمايو: هڪ ڀيري اوهان جي جدّ اعلي، مسلمانن جي چوٿين خليفي حضرت علي المرتضٰي، شير خدا رَضِىَ اللهُ عَنْه اڪيلائي ۾ پنهنجي چهري مبارڪ تي هٿ ڦيري فرمايو: اي دنيا ڪنهن ٻئي کي ڌوڪو ڏي، مون توکي