Book Name:Shan e Ali رضی اللہ عنہ Bazaban e Nabi ﷺ
پیارے اسلامی بھائیو! دوسرا مدنی پھول جو اس واقعے سے ہمیں سیکھنے کو ملا وہ یہ کہ حضرت مولا علی رضی اللہ عنہ نے کھجوریں بیچنے والے کو فرمایا : تم مجھے راضی کرنا چاہتے ہو تو لوگوں کے حقوق پورے کیا کرو۔
اس سے معلوم ہوا کہ لوگوں کے حقوق پُورے کرنا بڑی فضیلت اور اہمیت والا کام ہے ، ہم سب کو چاہئے کہ بندوں کے حُقُوق پُورے کیا کریں۔ والدین کے بھی حُقُوق ہیں ، بہن بھائی کے بھی حقوق ہیں ، اسلام نے پڑوسیوں کے بھی حقوق رکھے ہیں ، دوست احباب کے بھی حقوق رکھے ہیں ، اَہْلِ محلہ کے بھی حقوق ہیں ، دُکاندار کے بھی حقوق ہیں ، گاہَک کے بھی حقوق ہیں ، ان سب کے حقوق پُورے کرنے ہیں۔ اِنْ شَآءَ اللّٰهُ الْکَرِیْم!
امام غزالی رَحمۃُ اللہ عَلَیْہ نے احیاءُ العلوم کی دوسری جلد میں تفصیل سے بندوں کے حقوق بیان فرمائے ہیں۔وہاں سے حقوق کا بیان پڑھ لیں گے تو اِنْ شَآءَ اللّٰهُ الْکَرِیْم!حقوق پورے کرنے کا ذہن بھی بنے گا اور اس بارے میں کافِی معلومات بھی حاصِل ہو جائیں گی۔
اللہ پاک ہمیں عمل کی توفیق عطا فرمائے۔ آمِیْن بِجَاہِ خَاتَمِ النَّبِیّٖن صَلَّی اللہ عَلیہ واٰلہٖ و سَلَّم ۔
حضرت علی رضی اللہ عنہ کا مختصر تعارُف
پیارے اسلامی بھائیو! حضرت مولیٰ علی رضی اللہ عنہم سلمانوں کے چوتھے خلیفہ ہیں ، آپ 13 رَجَبُ الْمُرَجَّب کو مکہ مکرمہ میں پیدا ہوئے ، 10 سا ل کی عمر مبارک میں اسلام