Book Name:Shan e Ali رضی اللہ عنہ Bazaban e Nabi ﷺ
اسے چاہیےکہ مجھ پرکثرت سےدُرُودشریف پڑھے۔ ( کنز العمال ، ۱ / ۲۵۵ ، حدیث : ۲۲۲۶ )
صَلُّوْا عَلَی الْحَبِیْبِ! صَلَّی اللہ عَلٰی مُحَمَّد
فرمانِ مصطفےٰ صَلّی اللہ عَلَیْہ وآلِہ وسَلَّم : اَفْضَلُ الْعَمَلِ اَلنِّيَّۃُ الصَّادِقَۃُ سچی نیت سب سے افضل عمل ہے۔ ( [1] ) اے عاشقانِ رسول! ہر کام سے پہلے اچھی اچھی نیتیں کرنے کی عادت بنائیے کہ اچھی نیت بندے کو جنت میں داخِل کر دیتی ہے۔ بیان سننے سے پہلے بھی اچھی اچھی نیتیں کر لیجئے! مثلاً نیت کیجئے! * عِلْم سیکھنے کے لئے پورا بیان سُنوں گا * با اَدب بیٹھوں گا * دورانِ بیان سُستی سے بچوں گا * اپنی اِصْلاح کے لئے بیان سُنوں گا * جو سُنوں گا دوسروں تک پہنچانے کی کوشش کروں گا۔
صَلُّوْا عَلَی الْحَبِیْبِ! صَلَّی اللہ عَلٰی مُحَمَّد
حضرت علی رضی اللہ عنہ کو راضی کرنے کا طریقہ
حضرت علّامہ محبُ الدِّیْن طَبری رَحمۃُ اللہ عَلَیْہ روایَت ذِکْر کرتے ہیں ، جس کا مضمون یُوں ہے کہ مسلمانوں کے چوتھے خلیفہ حضرت مولیٰ علی رضی اللہ عنہ کی خلافت کا زمانہ تھا ، ایک روز آپ بازار تشریف لے گئے ، آپ نے دیکھا کہ ایک خاتون کھڑی رَو رہی ہے ، مولائے کائنات ، مولیٰ علی رضی اللہ عنہ نے اس سے رونے کا سبب پوچھا تو اس نے کہا : میں لونڈی ہوں ، میں نے فلاں دُکان والے سے چند درہم کی کھجوریں خریدی تھیں مگر میرے مالِک کو وہ کھجوریں پسند نہیں آئیں اور اس نے واپَس لوٹا دیں ، اب دُکان والا کھجوریں واپس