Book Name:Surah Al Maun
يعنې منافقان فرائض د الله پاک د رضا حاصلولو د پاره نه ادا کوي بلکه خلقو ته د ښودنې د پاره ئې کوي.[1]
د رياکارئ تعريف دا دے چې خپل عمل په دې ارادے سره ظاهرول چې خلق هغې [عمل] ته اوګوري او د هغه د عبادت ګزارئ ستائينه اوکړي.[2]
د الله پاک د رضا نه علاوه په بَل څه ارادے سره عبادت کول. لکه چې د عبادت مقصد ئې دا وي چې خلق د هغه د عبادت نه خبر شي د پاره د دې چې هغه د خلقو نه مال واخلي يا خلق د هغه ستائينه اوکړي يا هغه نيک انسان اوګڼي يا هغه له عزّت وغيره ورکړي.[3]
خوږو او محترمو اسلامي وروڼو! رياکاري ډيره بده بيماري ده. الله پاک په قرآنِ کريم کښې فرمائي:
مَنۡ کَانَ یُرِیۡدُ الۡحَیٰوۃَ الدُّنۡیَا وَ زِیۡنَتَہَا نُوَفِّ اِلَیۡہِمۡ اَعۡمَالَہُمۡ فِیۡہَا وَ ہُمۡ فِیۡہَا لَا یُبۡخَسُوۡنَ (۱۵)
(پارہ:12 ، سورۂ هود:15)
مفهوم ترجَمۀ کنزُ الايمان: څوک چې د دُنيا ژوند او عشرت غواړي مونږ به په هغې کښې د هغه پوره ميوه ورکړو او په هغې کښې به کمے نه کوؤ.