سورۂ ماعُون (ترجمه او تشريح)

کَس چې په يتيمه جينئ يا يتيم هلک باندې احسان اوکړي زه او هغه به په جنّت کښې (د دواړو ګوتو ميلاوهو سره ئې اوفرمائيل چې) داسې يو.^{^[1]}

د دې حديثِ پاک لاندې مشهور مُفسّرِ قرآن، حكيمُ الاُمَّت حضرت مفتی احمد یار خان نعيمي رَحْمَةُ اللهِ عَلَيْه فرمائي: کوم کَس چې د خپل خپلوان يا نااشنا يتيم په سر باندې د محبت او شفقت لاس راښکاږي او دا محبت صرف د الله او د رسول ( صَلَّى اللهُ عَلَيْهِ وَاٰلِهٖ وَسَلَّم ) د رضا د پاره وي نو د هر ويښته په بدل کښې به هغه ته نيکي ميلاويږي. دا ثواب خو صرف د لاس راښکلو دے څوک چې په ده باندې مال اولګوي، د ده خدمت اوکړي، ده له تعليم او تربيت ورکړي، سوچ اوکړئ چې د هغه ثواب به څومره وي.^{^[2]}

د زړه د نرمئ يوه نُسخه

خوږو او محترمو اسلامي وروڼو! د يتيم په سر باندې د لاس راښکلو او نيکو حاصلولو سره سره د زړه سختي لرې کيږي او حاجتونه هم پوره کيږي لکه څنګه چې د حضرت ابو دَرداء رَضِىَ اللهُ عَـنْهُ نه روايت دے چې يو کَس د دواړو جهانونو مالک و مختار، مکي مدني سردار صَلَّى اللهُ عَلَيْهِ وَاٰلِهٖ وَسَلَّم په بارګاه کښې حاضر شو او د زړه د سختئ شکايت ئې اوکړو نو هغوئي صَلَّى اللهُ عَلَيْهِ وَاٰلِهٖ وَسَلَّم اوفرمائيل: آيا تۀ غواړې چې ستا زړه نرم شي او ستا حاجتونه پوره شي؟ نو په يتيم باندې رحم کوه او د هغه په سر باندې لاس راښکاږه او د خپل خوراک نه په هغه باندې خوره او د داسې کولو سره به ستا زړه نرم شي او حاجتونه به دې پوره شي.^{^[3]}

[1]... مسندِ امام احمد ، جلد:9، صفحہ:204 ، حدیث:22922.

[2]... مرآۃ المناجیح ، جلد:6 ، صفحہ:562.

[3]... مجمع الزوائد ، کتاب البر والصلۃ ، باب ما جاء فی الایتام…الخ، ج:8 ، ص:206، حدیث:13509.

Important

Mobile Apps

Contact Us