Book Name:Surah Al Maun
د دې چې د هغه پالنه اوکړي، د هغه ښه روزنه پالنه اوکړي، هغه بد بخته اُلټا د هغه يتيم په مال قبضه اوکړه او هغه له ئې ديکې ورکړې او د کور نه ئې اوويستلو.
د الله پاک پناه...!! الله پاک دې مونږ له د يتيمانانو، بے وسو سره د نيک سلوک کولو توفيق راکړي.
اٰمِین بِجَاہِ خَاتَمِ النَّبِیِّيْن صَلَّى اللهُ عَلَيْهِ وَاٰلِهٖ وَسَلَّم .
ډيره د افسوس خبره ده چې نن سبا زمونږ په معاشره کښې هم يتيمانانو ته د قدر په نظر نه کتلے کيږي * يتيم ماشوم ته د هغه د يتيمئ احساس ورکول * د هغه سره بد سلوک کول * د خپل اولاد او د يتيم ماشوم په مينځ کښې فرق کول او د هغه زړه خفه کول خو د معمول خبره ده، داسې نادانه زمونږ په معاشره کښې هم موجود دي کوم چې قصداً عمداً يا په ناپوهئ کښې د يتيمانانو مالونه خوري. شيخ طريقت، امير اهلسنت علامه مولانا ابو بلال محمد الياس عطار قادري رضوي دَامَتْ بَرَکَاتُهُمُ الْعَالِیَه فرمائي: د عِلمِ دِين نه د لرې والي او د جهالت په وجه عام طور په خاندانونو کښې ميراث نه تقسيميږي اکثر په وارثانو کښې يتيمانان واړه هلکان او جينکئ هم شاملې وي او خلق ډير په زړورتيا سره د دې يتيمانانو مالونه خوري څښي او په هر قِسم استعمال کښې ئې راولي حالانکه دا هر څه جائز نه دي او دې طرف ته د چا پام هم نه وي. ياد ساتئ! د مړي په وارثانو کښې که چرې څوک يتيم وي نو تر څو پورې چې د ميراث تقسيمولو سره د يتيم حصه بيله نکړے شي تر هغې پورې د دې نه د مړي د ايصالِ ثواب د پاره صدقه او خيرات وغيره