Book Name:Israaf Kay Deeni o Dunyawi Nuqsanat
چې د رزق څه ذره ضائع نه شي. هغوئي دَامَتْ بَرَکَاتُہُمُ الْعَالِیَه نور د نيکئ دعوت ورکولو سره ارشاد اوفرمائيلو: داسې ښکلې ښکلې خبرې د دعوتِ اسلامي په هفته واره د سنتو نه ډکه اجتماع کښې د هر زيارت په ورځ د ماښام لمَانځه نه پس ښودلے شي. مونږ هم هلته ځو. تاسو ته هم خواست دے چې تاسو هم په جامع مسجد ګلزارِ حبيب (سولجر بازار کراچئ) کښې د دعوتِ اسلامي په کيدونکې د سنتو نه ډکه اجتماع کښې خامخا شرکت اوکړئ.[1]
خوږو او محترمو اسلامي وروڼو! چرته چې د اميرِ اهلِسُنَّت دَامَتْ بَرَکَاتُہُمُ الْعَالِیَه د قوتِ برادشت [يعنې د زغملو توان] او د ښه اخلاقو پته لګي، هلته دا هم معلوميږي چې اميرِ اهلِسُنَّت دَامَتْ بَرَکَاتُہُمُ الْعَالِیَه به د رزق څومره قدر فرمائيلو او د دې معمولې شانتې ذره به ئې هم ضائع کيدو ته نه پريښودله. سُبْحٰنَ اللّٰہ! واقعي د شيخِ طريقت، امير اهلِسُنَّت دَامَتْ بَرَکَاتُہُمُ الْعَالِیَه احتياطونه ته چې اوګورې نو د نيکانو بزرګانو ياد تازه کيږي.
ہیں شریعت و طریقت کی حسین تصویر جو زہد و تقویٰ کے نظارے حضرتِ عطار ہیں
خوږو او محترمو اسلامي وروڼو! تر اوسه پورې چې مو څومره اسراف کړے دے مهرباني اوکړئ! د هغې نه توبه کړئ. چې بيا د پاره د طعام د يوے دانے او د خوروا د يو څاڅکي اسراف هم اونشي د دې وعده اوکړئ! په الله پاک مې دې قسم وي! په قيامت کښې به د ذرے ذرے حساب کيږي، يقيناً څوک هم د قيامت د حساب تاب نه لري، رښتنې توبه کړئ! دُرُودِ پاک اولولئ او عرض اوکړئ: يا الله پاکه! تر ننه پورې چې ما څومره هم اسراف کړے دے د هغې نه او د ټولو وړو او غټو ګناهونو نه توبه کووم او