د اسراف نُقصانونه

Al Quran Books Madani Channel

Magazine Courses Media

(4) معلومه نه ده چې د طعام په کومه حصه کښې برکت دے

حضرت جابِر رَضِىَ اللهُ عَـنْهُ فرمائي: ما رسولُ الله صَلَّى اللهُ عَلَيْهِ وَاٰلِهٖ وَسَلَّم په دې فرمائيلو واوريدو چې شيطان ستاسو د هر کار په وخت حاضريږي تر دې چې د ډوډئ خوړلو په وخت هم، ځکه که چرې نوړئ اوغورځيږي او په هغې پسې څه اونښلي نو صفا ئې کړئ او اوئې خورئ دا د شيطان د پاره مه پريږدئ او کله چې د ډوډئ خوړلو نه اوزګار شئ نو ګوټې اوڅټئ ځکه چې معلومه نه ده چې د طعام په کومه حصه کښې برکت دے.^{^[1]}

مشهور مُفَسِّرِ قُرآن، حکيمُ الاُمّت مفتي احمد يار خان نعيمي رَحْمَةُ اللهِ عَلَيْه د دې حديثِ پاک لاندې فرمائي: که چرې د غورځيدلې نوړئ سره خاوره وغيره پاک څيز لګيدلے وي نو دا صفا کړئ او نوړئ اوخورئ او که چرې څه نجاست ورسره لګيدلے دے نو د وينځلو نه پس ئې اوخورئ، که چرې نه وينځلے کيږي نو په سپي پيشو ئې اوخورئ داسې ئې مه پريږدئ چې په دې کښې مال ضائع کيدل دي او د رَبِّ کريم د راکړي شوي نعمت بے قدري ده. نور فرمائي: پريښودے شوې نوړئ خو به يا شيطان اوخوري يا د دې په ضائع کيدو کيدو به خوشحاله شي د شيطان دواړه معنې کيدے شي. ځکه هيڅ هم مه پريږدئ هر څه استعمال کړئ، که چرې د يو کَس په سر يوه ماشه خوراک هم په لوښي کښې پاتې شي، کوم چې د لوښي د وينځلو په وخت نالئ ته لاړ شي نو حساب اوکړئ چې په ښار کښې به اته لس لاکه خلق اوسيږي نو دوه ځله څومره خوراک نالو ته ځي، دا فضول خرچي هم ده، مال ضائع کول هم دي، د طعام بے ادبي هم ده، دې د پاره هيڅ هم مه پريږدئ لوښے په صحيح طريقې سره صفا کړئ د طعام احترم او ادب هم دا دے.^{^[2]}

[1]... مسلم ،کتاب الاشربۃ ، باب استحباب لعق الاصابع …الخ ، صفحہ:807 ، حدیث:2033۔

[2]... مراٰۃ المناجیح ، جلد:6، صفحہ:11 -12 بتغیر قلیل۔

Important

Mobile Apps

Contact Us