Ramzan, Quran Aur Shab e Quran

Al Quran Books Madani Channel

Magazine Courses Media

سرکارغَوْثِ اَعظم ، شیخ عبد القادر جیلانی رَحمۃُ اللہ عَلَیْہ فرماتے ہیں : لفظ رمضان میں 5 حروف ہیں ، ( 1 ) : پہلا حرف : رَا ، اس سے مراد ہے : رِضْوَانُ اللہ یعنی رِضَائے الٰہی۔ ( 2 ) : دوسرا حرف ہے : میم ، اس سے مُرَاد ہے : مَحَابَاۃُ اللهِ عَنِ الْعُصَاۃِ یعنی اللہ پاک کا گنہگاروں پر رحمت ومہربانی فرمانا۔ ( 3 ) : لفظ رمضان میں تیسرا حرف ہے : ضَاد ، اس سے مراد ہے : ضَمَانُ اللہ یعنی اللہ پاک کی امان۔ ( 4 ) : چوتھا لفظ : اَلِف ، اس سے مراد اُلْفَۃُ اللہ ( محبتِ الٰہی ) ہے اور ( 5 ) : پانچویں حرفنون سے مراد ہے : نُوْرُ اللہ۔ پس معلوم ہوا رمضان المبارک اللہ پاک کی رضا ملنے کا مہینا ہے ، رمضان المبارک گنہگاروں پر رحمت برسنے کا مہینا ہے ، رمضان المبارک اللہ پاک کی امان ملنے کا مہینا ہے اور رمضان المبارک اللہ پاک کی محبت نصیب ہونے اور نورِ الٰہی ملنے کا مہینا ہے۔^{( ^[1] )}

ہر گھڑی رَحْمت بھری ہے ہر طرف ہیں برکتیں ماہِ رَمضاں رَحْمتوں اور برکتوں کی کان ہے

روزہ دارو ! جھوم جاؤ کیونکہ دیدارِ خدا خُلْد میں ہو گا تمہیں یہ وعدۂ رحمٰن ہے

ماہِ نزولِ قرآن

اللہ پاک نے فرمایا :

شَهْرُ رَمَضَانَ الَّذِیْۤ اُنْزِلَ فِیْهِ الْقُرْاٰنُ هُدًى لِّلنَّاسِ وَ بَیِّنٰتٍ مِّنَ الْهُدٰى وَ الْفُرْقَانِۚ-فَمَنْ شَهِدَ مِنْكُمُ الشَّهْرَ فَلْیَصُمْهُؕ ( پارہ : 2 ، سورۂ بقرہ : 185 )

تَرجَمہ کَنْزُ الْعِرْفان : رمضان کا مہینہ ہے جس میں قرآن نازل کیا گیا جو لوگوں کے لئے ہدایت اور رہنمائی ہے اور فیصلے کی روشن باتوں ( پر مشتمل ہے ) تو تم میں جو کوئی یہ مہینہ پائے تو ضرور اس کے روزے رکھے۔

[1]... غُنْیَۃ الطالبین ، فصل : رمضان خَمْسَۃَ اَحْرُف ، جز : 2 ، صفحہ : 15۔

Important

Mobile Apps

Contact Us