ماہ ِ رَمضاں رحمتوں اور برکتوں کی کان ہے

آگیا رَمضاں عبادت پر کمر اب باندھ لو

فیض لے لو جلد یہ دن تیس کا مہمان ہے

رمضان المبارک میں کثرت سے تلاوت کرنے والے

اَلحَمْدُ للہِ ! ہمارے بزرگانِ دین ، اللہ پاک کے نیک بندے بھی عام دِنوں میں تو  تِلاوت کیا ہی کرتے تھے ، رمضانُ المبارک میں ان کا شوقِ تلاوت مزید بڑھ جایا کرتا تھا * بعض اولیائے کرام  رَحمۃُ اللہ عَلَیْہم رمضانُ المبارک میں 3راتوں میں ایک  خَتْمِ پاک کیا کرتے تھے * حضرت اَسْوَدْ رَحمۃُ اللہ عَلَیْہ  رمضانُ المبارک میں ہر 2 راتوں میں ایک مرتبہ قرآنِ کریم ختم کیا کرتے تھے * امام نخعی  رَحمۃُ اللہ عَلَیْہ  کا معمول مبارک یوں تھا کہ آپ رَحمۃُ اللہ عَلَیْہ   رمضانُ المبارک کے ابتدائی 20 دن ہر 3دن میں ایک مرتبہ خَتْمِ قرآن فرمایا کرتے اور آخری عشرے میں ہر 2راتوں میں ایک مرتبہ خَتْمِ پاک فرما لیا کرتے تھے * حضرت قتادہ رَضِیَ اللہ عنہ ہمیشہ  ( یعنی سال کے عام دنوں میں بھی ) 7 دن میں ایک خَتْمِ پاک کرتے لیکن رمضانُ المبارک آتا تو آپ رَضِیَ اللہ عنہ کا شوقِ تلاوت بڑھ جاتا اور آپ رَضِیَ اللہ عنہ ہر 3دن میں ایک خَتْمِ پاک کیا کرتے ،  پھر جب آخری عشرہ آتا تو تلاوت کا ذوق اور بڑھ جاتا اور آپ  رَضِیَ اللہ عنہ ہر روز ایک خَتْمِ پاک کیا کرتے * امام شافعی رَحمۃُ اللہ عَلَیْہ  رمضانُ المبارک میں 60 قرآن پڑھا کرتے تھے ^{( [1] )}  * اور امام ِ اعظم ، امام ابو حنیفہ رَحمۃُ اللہ عَلَیْہ کی تو کیا ہی شان ہے ، آپ رَحمۃُ اللہ عَلَیْہ   رمضان المبارک میں 61 قرآنِ کریم ختم فرماتے تھے ، 30 قرآنِ کریم  دِن کے اوقات