Kamyabi Ka Asal Miyar

قرآنِ کریم اور احادیث میں روزہ رکھنے کے بہت فضائِل بیان ہوئے ہیں ، مثلاً * روزے رکھنے والے اور روزے رکھنے والیوں کے لئے اللہ پاک نے بخشش اور بڑا ثواب تیار کر رکھا ہے۔^{( ^[1] )} * حدیث پاک میں ہے جنت میں ایک دروازہ ہے جس سے صرف روزہ دار ہی داخِل ہوں گے۔^{( ^[2] )}*ماہِ رمضان کا روزہ سابقہ گناہوں کا کفارہ ہے۔^{( ^[3] )}*روزہ جہنّم سے بچاؤ کے لئے مضبوط قلعہ ہے۔^{( ^[4] )}* روزہ قِیامَت کے دن روزہ دار کے لئے شَفَاعَت کرے گا۔^{( ^[5] )}*ماہِ رمضان کا ایک بھی روزہ خاموشى اور سكون سے رکھنے والے کے لئے جنت میں سبز زبرجد یا سرخ یاقوت کا گھر بنايا جا ئے گا۔^{( ^[6] )}*روزے دار کا سو جانا عِبَادَت اور اس کی خاموشی تسبیح شُمار ہوتی ہے۔ ^{( ^[7] )} * وقتِ افطار روزہ دار کی دُعا رد نہیں کی جاتی۔^{( ^[8] )}*روزہ رکھنے سے صِحَّت ملتی ہے۔^{( ^[9] )} * اگر روزہ دار لَا اِلٰہَ اِلَّا اللہ یا سُبحٰنَ اللہ یا اللہ اَکبَرُ پڑھتا ہے تو 70ہزار فرشتے سورج ڈوبنے تک اس کا ثواب لکھتے رہتے ہیں۔^{( ^[10] )}

[1]... پارہ : 22 ، سورۂ احزاب : 35

[2]... بخاری ، كتاب الصوم ، باب الريان للصائمین ، صفحہ : 502 ، حدیث : 1896ملتقطاً۔

[3]... صحیح ابن حبان ، كتاب الصوم ، باب فضل رمضان ، صفحہ : 957 ، حدیث : 3433 ملتقطاً ۔

[4]... شعب الايمان ، باب فى الصيام ، جلد : 3 ، صفحہ : 289 ، حديث : 3571۔

[5]...مستدرک ، کتاب فضائل القرآن ، باب الصیام والقرآن ، جلد : 2 ، صفحہ : 255 ، حدیث : 2080۔

[6]... معجم اوسط ، جلد : 1صفحہ : 479 ، حدیث : 1768۔

[7]... شعب الایمان ، باب فى الصيام ، جلد : 3صفحہ : 415 ، حدیث : 3938۔

[8]... شعب الایمان ، باب فى الصیام ، جلد : 3صفحہ : 407 ، حدیث : 3903۔

[9]... معجم اوسط ، جلد : 6 ، صفحہ : 147 ، حدیث : 8312۔

[10]... شعب الایمان ، باب فى الصيام ، جلد : 3 ، صفحہ : 299 ، حدیث : 3591۔

Important

Mobile Apps

Contact Us