دفن کیا جاتا ہے تو قبر کہتی ہے : تجھے کوئی مرحبا نہیں ، تُو مىرى پشت پر چلنے والوں مىں مىرے نزدىک بدترىن شخص تھا اور اب تُو مىرے اندر آ گىا ہے لہٰذا اب اپنے ساتھ میرا برتاؤ دیکھ پھر قبر اس پر اپنا گھىرا  تنگ کر دیتی ہے اور اس کى پسلىاں اىک دوسرے مىں پىوست ہو جاتى ہىں۔راوى کہتے ہىں : رسولِ اکرم ، نُورِ  مُجَسَّمْ صَلَّی اللہ عَلیہ وَآلہٖ و َسَلَّم نے یہ بات اپنی مبارک انگلیاں ایک دوسرے میں ڈال کر اشارہ کر کے بتائی پھر فرمایا : اللہ پاک اس پر 70 ہزار اژدھے مقرر فرما دیتا ہے اگر ان مىں سے کوئى اىک بھى زمىن پر پھنکار دے تو رہتی دنیا تک کبھى  کچھ بھی نہ اُگے ، وہ اَژدھے اس مُردے کو تاقىامت ڈستے رہیں گے۔راوى کہتے ہىں : آپ  صَلَّی اللہ عَلیہ وَآلہٖ و َسَلَّم نے فرماىا : اِنَّمَا الْقَبْرُ رَوْضَةٌ مِّنْ رِيَاضِ الْجَنَّةِ اَوْحُفْرَةٌ مِّنْ حُفَرِ النَّار ىعنى قبر جنت کے باغوں میں سے ایک باغ ہے ىا جہنم کے گڑھوں میں سے ایک گڑھا۔ ^{( [1] )}  

گناہگار ہوں میں لائقِ جہنَّم ہوں                                                            کرم سے بخش دے مجھ کو نہ دے سزا یاربّ !

بُرائیوں پہ پَشَیماں ہوں رَحم فرمادے                              ہے تیرے قَہر پہ حاوی تری عطا یاربّ !

گناہ بے عدد اور جُرم بھی ہیں لاتعداد                                      مُعاف کردے نہ سہ پاؤں گا  سزا یاربّ !

میں کر کے توبہ پلٹ کر گناہ کرتا ہوں                                حقیقی توبہ کا کر دے شَرَف عطا یاربّ !

صَلُّوا عَلَی الْحَبیب !                                                صَلَّی اللّٰہُ عَلٰی مُحَمَّد

مُردے کو قبرکی ڈانٹ

حضرت ابو حَجاج ثُمالی  رَضِیَ اللہ  عَنْہ سے روایت ہے کہ  پیارے آقا ، مدینے والے مصطفےٰ صلی اللہ عَلَیْہِ وَ آلِہٖ وَسَلَّم نے فرمایا : جب مُردے کو قبر مىں رکھا جاتا ہے تو قبر اس سے کہتى ہے : تیری خرابی ہو  کىا تُو نہىں جانتا تھا مىں فتنے کا گھر ہوں ، تارىکى کا گھر ہوں ، تنہائی کا گھر ہوں اور کىڑے مکوڑوں