فيضانِ مُحَدِّثِ اَعظم پاڪستان

صَلُّو ْا عَلَي الْحَبيب! صَلَّي الله عَلٰي مُحَمَّد

پياريون اسلامي ڀينرون! آقا جو مهينو يعني ماھِ شعبانُ المُعظم جلوه افروز ٿي چڪو آهي، نهايت بابرڪت مهينو آهي، ان ۾ رحمتن، مغفرتن ڀَري مبارڪ رات شبِ براءت به ايندي آهي، لهٰذا ڪوشش ڪيو ته هي مبارڪ مهينو نيڪيون ڪندي، گناھن کان بچندي ۽ خاص ڪري خوفِ خدا ۾ روئيندي، رحمتِ الاهي جي خيرات گهرندي، ڪثرت سان توبھ ۽ استغفار ڪندي گذري.

شعبانُ المُعظم جون چار اهم عبادتون آهن، ڪهڙيون ڪهڙيون آهن، اچو ٻڌون ٿيون:

(1): شعبانُ المُعظم جي پهرين عبادت: دُرود جي ڪثرت

هونئن ته دُرودِ پاڪ سڄي زندگيءَ جو وظيفو آهي، اسان جي روزانو جي معمولات ۾ دُرودِ پاڪ جي ڪثرت شامل رهڻ گهرجي ۽ سڄو سال ئي دُرود پڙهڻ گهرجي، البت هاڻي شعبانُ المُعظم جو مبارڪ مهينو آهي ۽ سُـبْحٰـنَ الـلّٰــه! شعبانُ المُعظم جي عظمتن، ان جي رفعتن ۽ برڪتن جو ڇا چوڻ! ان مبارڪ مهيني کي محبوبِ رحمٰن صَلَّى اللّٰهُ عَلَيۡهِ واٰلِهٖ وَسَلَّمَ جن پهنجي طرف نسبت ڪري پنهنجو مهينو فرمايو، جيئن ته حديثِ پاڪ ۾ آهي: شَہْرُ رَمَضَانَ شَہْرُ اللہ وَ شَہْرُ شَعْبَانَ شَہْرِی: رمضان الله جو مهينو آهي ۽ شعبان منهنجو مهينو آهي.^{^[1]}

ڇوته هي آقا جو مهينو آهي، هن ۾ درودِ پاڪ جي خاص طور ڪثرت ڪئي ويندي آهي. سرڪارِ غوثِ اعظم، شيخ عبدُالقادر جيلاني رَحْمَةُ اللهِ عَلَيْه فرمائن ٿا:

[1] جامع صغیر، صفحہ:301، حدیث:4903۔

Important

Mobile Apps

Contact Us