Meraj Kay Mushahdat

Al Quran Books Madani Channel

Magazine Courses Media

کے منہ پر عیب کرے ، پیٹھ پیچھے بدی کرے۔

پیارے اسلامی بھائیو ! غیبت کرنے کا انجام کس قدر تباہ کُن ہے ، بروزِ قیامت غیبت کرنے والے کو دردناک عذاب کا سامنا ہو گا ، اس کا تَصَوُّر ہی لرزا دینے کے لئے کافی ہے۔ غور کیجئے ! اگر غیبت کر کے بغیر توبہ کئے مر گئے اور دردناک عذاب مُسَلَّط کر دیا گیا تو کیونکر برداشت کر سکیں گے۔ اس لئے غیبتوں ، چغلیوں اور دیگر گناہوں بھری باتوں سے رشتہ توڑ کر حمد و نعت سے رشتہ جوڑئیے ، ہر لمحہ ہر گھڑی یادِ الٰہی میں مگن رہیے اور پیارے آقا ، مدینے والے مصطفےٰ صَلَّی اللہ عَلَیْہِ وَ آلِہٖ وَ سَلَّم پر خوب خوب دُرود و سلام کے پُھول نچھاور کیجئے۔

گناہوں سے مجھ کو بچا یاالٰہی ! بُری عادتیں بھی چھڑا یاالٰہی !

مجھے غیبت و چغلی و بدگمانی کی آفات سے تُو بچا یاالٰہی !

تجھے واسطہ سارے نَبیوں کا مولیٰ مِری بخش دے ہر خطا یاالٰہی ! ^{( ^[1] )}

( 5 ) : سُوْد خور آدمی

سرورِ ذیشان ، محبوبِ رحمٰن صَلَّی اللہ عَلَیْہِ وَ آلِہٖ وَ سَلَّم نے فرمایا : معراج کی رات میں کچھ لوگوں کے پاس آیا جن کے پیٹ مکانوں کی طرح ( بڑے بڑے ) تھے اور ان کے اندر سانپ باہَر سے نظر آ رہے تھے۔ میں نے پوچھا : اے جبریل ! یہ کون لوگ ہیں ؟ کہا : یہ سُود خور ہیں۔^{( ^[2] )}

مشہور مفسرِ قرآن ، حکیمُ الْاُمَّت حضرت علّامہ مفتی احمد یار خان نعیمی رَحمۃُ اللہ علیہ اس حدیث کی شرح کرتے ہوئے فرماتے ہیں : چونکہ سُود خوار ہَوَسِی ہوتا ہے کہ کھاتا تھوڑا ہے حرص و ہَوَس زیادہ کرتا ہے ، اس لئے ان کے پیٹ واقعی کوٹھڑیوں کی طرح ہوں گے ،

[1]...وسائلِ بخشش ، صفحہ : 100 -101 ملتقطًا۔

[2]...ابنِ ماجہ ، کتاب التجارات ، باب التغلیظ فی الربا ، صفحہ : 363 ، حدیث : 2273۔

Important

Mobile Apps

Contact Us