Hazrat Salman Farsi

Al Quran Books Madani Channel

Magazine Courses Media

تاجدار صَلّی اللہ عَلَیْہِ وَآلِہٖ وَسَلَّم نے فرمایا : اللہ پاک نے مجھے 4 لوگوں سے محبت کا حکم دیا اور مجھے خبر دی کہ اللہ پاک بھی اُن 4 سے محبت فرماتا ہے۔ صحابۂ کرام عَلَیْہِمُ الرِّضْوَان نے عرض کیا : یا رسولَ اللہ صَلّی اللہ عَلَیْہِ وَآلِہٖ وَسَلَّم وہ 4 کون ہیں؟ فرمایا : علی ، سلمان ، اَبُوذَراور مِقْداد ( رَضِیَ اللہ عَنْہم ) ۔^{( ^[1] )}

جنّت4صحابہ کی مشتاق ہے

ایک روایت میں ہے : حُضُورِ اکرم ، نورِ مجسم صَلّی اللہ عَلَیْہِ وَآلِہٖ وَسَلَّم نے فرمایا : جنّت ( 1 ) : علی بن ابوطالِب ( 2 ) : عمَّار بِن یاسِر ( 3 ) : سلمان فارسی اور ( 4 ) : مِقْدَاد بِنْ اَسْوَد ( رَضِیَ اللہ عَنْہم ) کی مشتاق ہے۔⁽[2]⁾

عِلْم کا نہ ختم ہونے والا سمندر

حضرت زَاذَان کِنْدِی رَحْمَۃُ اللہ عَلَیْہ فرماتے ہیں : ایک دِن ہم مسلمانوں کے چوتھے خلیفہ امیر المؤمنین حضرت علی المرتضیٰ رَضِیَ اللہ عَنْہ کی خِدْمت میں حاضِر تھے ، حضرت علی المرتضٰی ، شیرِ خُدا رَضِیَ اللہ عَنْہ نے حضرت سلمان فارسی رَضِیَ اللہ عَنْہ کا ذِکْرِ خیر کرتے ہوئے فرمایا : سلمان فارسی جیساتم میں کون ہو سکتا ہے؟ وہ اَہْلِ بیت میں سے ہیں ، انہوں نے پہلے اور آخری عُلُوم حاصِل کئے ، حضرت سلمان فارسی پہلی کتاب ( یعنی انجیل یا تورات ) کے بھی عالِم تھے اور آخری کتاب ( یعنی قرآنِ کریم ) کے بھی عالِم تھے بلکہ سلمان تو عِلْم کا نہ ختم ہونے والاسمندر تھے۔^{( ^[3] )}

[1]...اِبْنِ ماجہ ، المقدمہ ، باب فضل سلمان ، صفحہ : 37 ، حدیث : 149۔

[2]...معجم کبیر ، جلد : 6 ، صفحہ : 215 ، حدیث : 6045۔

[3]...معجم کبیر ، جلد : 6 ، صفحہ : 213 ، حدیث : 6042۔

Important

Mobile Apps

Contact Us