دِل کے زنگ کا علاج کیا ہے؟فرمایا : موت کو کثرت سے یاد کرنا اور ذِکْرُ اللہ کی کثرت کرنا۔ ^{( [1] )}

کاش لب پر مِرے رہے جاری            ذِکْر آٹھوں پَہَر ترا یاربَ !

چشمِ تَر اور قلبِ  مُضْطَر دے                اپنی   اُلفت  کی   مَے   پِلا  یاربّ ! ⁽ [2] ⁾

غافِل پر شیطان مقرر کر دیا جاتا ہے

اللہ پاک قرآنِ کریم میں فرماتا ہے :

وَ مَنْ یَّعْشُ عَنْ ذِكْرِ الرَّحْمٰنِ نُقَیِّضْ لَهٗ شَیْطٰنًا فَهُوَ لَهٗ قَرِیْنٌ(۳۶)   ( پارہ : 25 ، سورۂ زُخرف : 36 )

تَرجَمہ کَنْزُ الْعِرْفان : اور جو رحمٰن کے ذکر سے منہ پھیرے توہم اس پر ایک شیطان مقرر کر دیتے ہیں  تو وہ اس کا ساتھی رہتاہے۔

 اللہ پاک کے آخری نبی ، رسولِ ہاشمی صلی اللہ عَلَیْہِ وَ آلِہٖ وَسَلَّم نے فرمایا : شیطان کی سُونڈ ( Trunk )  آدمی کے دِل پر ہے ، جب بندہ  اللہ پاک کاذکر کرتاہے تو وہ سُونڈ ہٹا لیتا ہے اور جب آدمی ذِکْرُ اللہ سے  غافِل ہوتاہے تو شیطان اس کے دل کو لقمہ بنا لیتا ( یعنی وسوسے ڈالنے لگتا ) ہے یہی خنّاس ( یعنی شیطان ) کے وسوسے ہیں ۔ ^{( [3] )}

سَروں پر کالے کَوَّے بیٹھے تھے

منقول ہے ، ایک مسلمان جِنّ حضرت امام ابوقاسِم قُشَیْری رَحمۃُ اللہ عَلَیْہ کا دوست تھا ، ایک دِن یہ دونوں مسجد میں بیٹھے تھے ، اَوْر لوگ بھی موجود تھے ، مسلمان جِنّ نے کہا : آپ کو کچھ نظر آرہا ہے؟ امام قُشَیْری رَحمۃُ اللہ عَلَیْہ نے فرمایا : ہاں ! یہ لوگ بیٹھے ہیں ، مجھے نظر آرہے