بدبختی کی 4علامات

پیارے اسلامی بھائیو ! واقعی سچّی بات ہے ، دِل بگڑ جائے تو انسان کہیں کا نہیں رہتا ، دِل بگڑنا ، دِل پر زنگ ( Rust ) چڑھنا ، دِل کا سیاہ ہو جانا یہ دنیا میں سب سے بڑی سزا ( Punishment ) ہے ^{( [1] )} * تِرْمذی شریف کی حدیثِ پاک میں ہے ، اللہ پاک کے حبیب ، دِلوں کے طبیب صَلَّی اللہ عَلَیْہ وَآلِہٖ وَسَلَّم نے فرمایا : اِنَّ اَبْعَدَ النَّاسِ مِنَ اللَّهِ الْقَلْبُ الْقَاسِي یعنی لوگوں میں سے سخت دِل والا سب سے بڑھ کر اللہ پاک سے دُور ہے۔ ^{( [2] )} * ایک حدیث شریف میں ہے : 4 چیزیں بدبختی سے ہیں : ( 1 ) : آنکھوں کا جمود ( یعنی آنسو نہ نکلنا ، رونا نہ آنا ) ( 2 ) : دِل کی سختی ( 3 ) : لمبی اُمِّید ( 4 ) : دُنیا کا لالچ۔ ^{( [3] )}

قَلب سختی میں حد سے بڑھا ہے             بندہ طالِب تِرے خوف کا ہے

اِلتجائے غمِ مصطَفےٰ ہے                    یاخدا ! تجھ سے میری دُعا ہے

حُبِّ دُنیا میں دل پھنس گیا ہے             نَفسِ بدکار حاوِی ہوا ہے

ہائے شیطاں بھی پیچھے پڑا ہے              یاخدا !  تجھ  سے  میری  دُعا  ہے ^{( [4] )}

صَلُّوْا عَلَی الْحَبِیْب !                                                صَلَّی اللہ عَلٰی مُحَمَّد

دِل کی اِصْلاح پر توجہ دیجئے ! 

پیارے اسلامی بھائیو ! * دِل ہی اَصْل سرمایہ ہے * یہی اَصْل زِندگی ہے * دِل ہی