قميص چې د نامې پورې وو، هغوئي لږ شان مضبوط ايمان والا، د چا قميص چې د زنګونانو پورې وو، هغوئي نور کامِل ايمان والا، د چا چې د نيمو پنډو پورې وو، د هغوئي ايمان د مخکښينو نه زيات مضبوط وو او په دې ښودلے شوؤ خلقو کښې د ټولو نه مضبوط او کامِل او اکمل ايمان والا حضرت عمر فاروقِ اعظم رَضِىَ اللهُ عَـنْهُ وو چې د هغوئي قميص د خپو نه ښکته زوړند وو۔

سُبْحٰنَ اللہ! د دې خوب او د نبي صَلَّى اللهُ عَلَيْهِ وَاٰلِهٖ وَسَلَّم د تعبير نه دا معلومه شوه چې حضرت عمر فاروقِ اعظم رَضِىَ اللهُ عَـنْهُ ډير زيات د کامِل ايمان او مضبوط دين والا دے۔

خوږو او محترمو اسلامي ورونړو! دا د کامِل ايمان او د مضبوط دين والا شخصيت يعني حضرت عمر فاروقِ اعظم رَضِىَ اللهُ عَـنْهُ د خپل پيشوا او امام يعني حضرت ابو بکر صِدِّيق رَضِىَ اللهُ عَـنْهُ په باره کښې څه فرمائي؟ واورئ! په روايتونو کښې دي: د مسلمانانو دويم خليفه حضرت عمر فاروقِ اعظم رَضِىَ اللهُ عَـنْهُ اوفرمائيل: لَوْ وُزِنَ اِیْمَانُ اَبِی بَکْرٍ بِاِیْمَانِ اَہْلِ الْاَرْضِ لَرَجَحَ بِہِمْ که چرې د ابو بکر ايمان د ټولې زمکې والوؤ د ايمان سره اوتللے شي نو د ابو بکر ايمان به د ټولې زمکې والوؤ د ايمان نه دروند اوخيژي ^([1]) بيا ئې اوفرمائيل: وَدِتُّ اَنِّی شَعْرَۃٌ فِیْ صَدْرِ اَبِیْ بَکْرٍ زما خواهش دے چې کاش! زه د ابو بکر صِدِّيق رَضِىَ اللهُ عَـنْهُ د سينې يو ويښته وے۔ ^([2])

اَللہُ اَکْبَر! اے عاشقانِ رَسُول! د ابو بکر صِدِّيق رَضِىَ اللهُ عَـنْهُ د ايمان شان ته اوګورئ! په اُمَّت کښې د زيات کامِل ايمان والا، د ډير زيات مضبوط دين والا شخصيت حضرت عمر فاروقِ اعظم رَضِىَ اللهُ عَـنْهُ د هغوئي رَضِىَ اللهُ عَـنْهُ د سينې د يو ويښته کيدو خواهش کوي۔ اوس