مجتبیٰ صَلَّى اللهُ عَلَيْهِ وَاٰلِهٖ وَسَلَّم خاموشي اختيار کړله، لږ سعت پس حضرت جبرائيلِ امين عَلَیْهِ السَّلَام حاضِر شو او عرض ئې اوکړو: يَا رسولَ الله صَلَّى اللهُ عَلَيْهِ وَاٰلِهٖ وَسَلَّم! عمر ته زما سلام اووائيئ او دوئي ته اووائيئ چې د وړومبي آسمان فرښتې په سجده کښې دي او د قيامت د ورځې پورې به په سجده کښې وي، د دويم آسمان فرښتې په رکوع کښې دي او د قيامت د ورځې پورې به په رکوع کښې وي، د دريم آسمان فرښتې په قيام کښې دي او د قيامت د ورځې پورې په قيام کښې وي۔ ^([1])

فقيه ابو الليث سمرقندي رَحْمَةُ اللهِ عَلَيْه ليکي: الله پاک 7 آسمانونه پيدا کړل، کوم چې د فرښتو نه ډک دي، دا فرښتې لمونځ کوي او د يوې لحظې د پاره هم سستي نه کوي، د هر آسمان د فرښتو عِبادت مختلف دے، د يو آسمان فرښتې په قيام کښې دي، د يو آسمان فرښتې په سجده کښې دي او عرش اوچتوونکې فرښتې د الله پاک په حمد او ثنا کښې مصروفه دي۔ نور فرمائي: په مونږه مسلمانانو باندې، په مونږه د مصطفٰے صَلَّى اللهُ عَلَيْهِ وَاٰلِهٖ وَسَلَّم په غلامانو باندې الله پاک کرم اوفرمائيلو چې د فرښتو دا مختلف قِسمه عبادتونه ئې زمونږ په لمونځ کښې راجمع کړل۔ ^([2])

الله پاک دې مونږ له توفيق راکړي، چې مونږه د فرښتو نقل اوکړو، قيام هم اوکړو، رکوع هم اوکړو، سجدې هم اوکړو او د الله پاک حمد او ثنا هم بيان کړو۔

نن د سجدې شپه ده

د مشهور عاشقِ رسول، تابعي بزرګ حضرت اُوَيس قَرَني رَحْمَةُ اللهِ عَلَيْه معمول مبارک وو، هغوئي چې به کله د ماسخوتن د لمونځ نه فارغ شول نو فرمائيل به ئې: نن د قيام شپه ده، بيا به ئې ټوله شپه په قيام کښې تيروله، په بَله شپه به ئې اوئيل: نن د رکوع شپه ده، بيا به ئې ټوله شپه په رکوع کښې تيروله، په دريمه شپه به ئې فرمائيل: نن د سجدې شپه ده، بيا به ئې په سجده کښې سَر کيښودو او ټوله شپه به ئې په سجده کښې تيروله۔ ^([3])

مِرے دِل سے دنیا کی چاہت مِٹا کر                  کر اُلفت میں اپنی فنا یااِلٰہی!

عبادت میں گزرے مری زندگانی                     کرم ہو کرم یاخدا یاالٰہی!

تُو اپنی وِلایت کی خیرات دیدے                       مِرے      غوث      کا      واسطہ      یااِلٰہی!^([4])