تو وہ سونے کے قلم اور چاندی کے کاغذ  ( Gold Pen & Silver Foil ) لے کر اُترتے ہیں ، اس دوران جو بھی عاشقِ رسول آپ صَلَّی اللہ عَلیہ وَآلہٖ و َسَلَّم پر درود شریف بھیجتا ہے ، فرشتے اس کا درود لکھ لیتے ہیں ^{( [1] )}  * حدیثِ پاک کے مطابق 2 فرشتے وہ ہیں ، جن کی اللہ پاک نے ذِمَّہ داری لگا رکھی ہے کہ دُنیا میں جب بھی جہاں بھی کوئی عاشِقِ رسول درودِ پاک پڑھتا ہے  تو وہ فرشتے اسے دُعا دیتے ہیں : اللہ پاک تیری بخشش فرمائے  ^{( [2] )}  * کچھ فرشتے وہ ہیں ، جن کی ذِمَّہ داری ہے کہ وہ زمین میں چلتے پھرتے رہتے ہیں ، جب بھی کہیں کسی عاشِقِ رسول کو درودِ پاک پڑھتا دیکھتے ہیں تو اس کا درود شریف بارگاہِ رسالت میں پہنچاتے ہیں ^{( [3] )}  * حضرت کعب رَضِیَ اللہ عنہ فرماتے ہیں : کوئی فجر ایسی طلوع نہیں ہوتی مگر 70 ہزار فرشتے اُترتے ہیں اور پیارے آقا ، مکی مدنی مصطفےٰ صَلَّی اللہ عَلیہ وَآلہٖ و َسَلَّم کے روضۂ پُرنور کے پاس جمع ہوتے ہیں ، خوشی سے اپنے پَر ہِلاتے ہیں اور شام تک آپ صَلَّی اللہ عَلیہ وَآلہٖ و َسَلَّم پر درودِ پاک بھیجتے رہتے ہیں ، جب شام ہوتی ہے تو یہ فرشتے واپس لوٹ جاتے ہیں ، پھر اتنے ہی فرشتے اور آتے ہیں ، وہ صبح تک بارگاہِ رسالت میں درودِ پاک عَرْض کرتے رہتے ہیں۔ ^{( [4] )}  

سیّدی اعلیٰ حضرت ، امامِ اہلسنّت رَحمۃُ اللہ عَلَیْہ  حدائقِ بخشش میں فرماتے ہیں :

سَتّر ہزار صبح ہیں ، سَتّر ہزار شام                                                           یُوں بندَگیِ زُلف و رُخ آٹھوں پہر کی ہے

جو ایک بار آئے دوبارہ نہ آئیں گے                                 رُخْصَت ہی بارگاہ سے بس اس قدر کی ہے